Qoǵam • 01 Qazan, 2022

Máýlenov isi: Qarjy jymqyrý deregi reıderlik áreket bolýy múmkin

110 ret kórsetildi

Taraz qalasynda memleket qarjysyn jymqyrdy dep aıyptalǵan toǵyz aıyptalýshynyń týystary olardy kinásiz dep sanap, bosatýdy talap etýde, dep habarlaıdy Egemen.kz.

 

Aıyptalýshylar – jergilikti energııa ortalyǵynyń burynǵy qyzmetkerleri. Al temir tordyń arǵy jaǵynda qarapaıym ınjenerler men jumysshylar ǵana emes, ulymen birge kompanııanyń eks-prezıdenti de otyr.

«Meniń balam túrmede jatqanyna bir jyldan asty, sol jerde ınsýlt aldy. Meniń nemerem - 20 jastaǵy bala da túrmede otyr, temir tordyń arǵy betinde otyrǵan ol eki ret óz-ózine qol jumsamaq bolǵan. Balalarymdy jiberińizder, olarǵa kúsh kórsetpeńizder! Olar eshteńe istemedi, tym bolmasa úıqamaqqa shyǵarsyn», dep surady Máýlenovterdiń anasy Janar Ysqaqova.

Eki mıllıard teńgeni jymqyrý isi boıynsha basty aıyptalýshylar – «TarazEnergoOrtalyq» kompanııasynyń eks-prezıdenti Baqbergen Máýlenov pen onyń uly. Ekeýi de bir jyldan astam ýaqyttan beri qamaýda otyr. Kompanııanyń ınjenerleri men jumysshylary sybaılastary bolyp sanalady, olar ázirge bostandyqta.

Tergeýshilerdiń aıtýynsha, búkil oblys ortalyǵyn ystyq sýmen jáne jylýmen qamtamasyz etetin nysandy jeke menshikke alǵan kásipkerler memleket qarjysyn óz qajettilikterine jumsaǵan.

Alaıda, eks-basshynyń ózi Jambyl oblysy ákimdigi bir teńge de bermegenin aıtady, qylmystyq isti kádimgi reıderlik áreket dep sanaıdy.

«Bul istiń artynda úlken kúshter tur, olar – oblystyń eks-sheneýnikteri. Men ustalǵanǵa deıin olar JEO-ǵa kelip, meni qorqytpaq boldy. Olardyń talabyna saı, men JEO-ny qaıtarýym kerek. Biraq men ony aýksıonǵa qoıylǵan kezde, jeńip aldym. Sondyqtan ony qaıtarýdan bas tarttym. Artynsha, meni «memleket qarjysyn jymqyrdy» dep aıyptady. Biraq men ol jerden bir teńge de alǵan joqpyn, jaı ǵana ınvestısııaladym. Tipti qazir deklarasııalap jatqan qaryzdardyń qaıdan shyqqanyn da túsinbeımin», dedi sottalýshy Baqbergen Máýlenov.

B.Máýlenovtiń advokaty Ǵabıt Pirmaǵambetovtiń sózine sensek, bul qylmystyq istiń reıderlik áreket ekenin rastaıtyn qujattar da bar.

«Máselen, Qarjylyq monıtorıng agenttiginiń óńirdegi tergeýshileri áý basta japa shegýshi bolyp sanalǵan Jambyl oblysy ákimdigi Qarjy basqarmasyna eki ret Máýlenovti aıyptaý paraǵyn alyp baryp, qol qoıdyrýǵa tyrysqan. Onyń alǵashqysynda «JEO eks-basshysy 2 mlrd teńge jymqyrdy» delinse, kelesisinde «4 mlrd teńge jymqyrdy» dep jazylǵan. Bul derekterdi Qarjy basqarmasynyń ókili Asadovtyń ózi sot prosesi barysynda rastady. Bizde naqty qujattary bar», dedi zańger.

Sottalýshynyń týysary áldebir kúshterdiń yqpalymen Baqbergen Máýlenov pen ulyn qamaqta ustap otyrǵanyna senimdi.

«Áıtpese, dál osy ahýalda aıyptalýshyny ózin qorǵaýǵa múmkindik berilýi kerek qoı. Eshqandaı múmkindik berilip jatqan joq, eń bolmasa úı qamaqqa shyǵarsa deımiz. Istiń aq-qarasyn aıyratyn quzyrly organ qyzmetkerleriniń de aýysqanyn qalaımyz. Qazirgi sot ta, Qarjylyq monıtorıng agenttiginiń tergeýshileri de isti ádil qarap otyrǵan joq. Ol sózimizdi de elep jatqan eshkim joq», deıdi olar.

Sońǵy jańalyqtar

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar