Úkimet • 01 Qazan, 2022

Reseımen shekarada qazaqstandyqtardyń kedergisiz ótýi úshin jeke jol jolaqtary bólindi

51 ret kórsetildi

Búgin Qazaqstan Premer-Mınıstri Álıhan Smaıylov kóshi-qonnyń ózekti máseleleri boıynsha keńes ótkizdi, dep habarlaıdy Egemen.kz QR Úkimetiniń baspasóz qyzmetine silteme jasap.

Ishki ister mınıstri Marat Ahmetjanov 21-28 qyrkúıek aralyǵynda Reseı Federasııasynan el aýmaǵyna kelgen mıgranttar qatarynyń ádettegiden 2-3 esege kóbeıgenin aıtty. Tek sońǵy eki kúnde bul elden kelýshiler sany edáýir tómendeı bastaǵan (29 qyrkúıekte 22,5 myń adam kelse, 10,1 myń adam shyǵyp ketken; 30 qyrkúıekte – 14,9 myń adam/11,6myń adam). Eseptik kezeńde Reseı Federasııasynyń 382 azamaty turaqty turý úshin jáne 64 azamaty QR azamattyǵyn alýǵa qujat tapsyrǵan.

Mınıstrdiń aıtýynsha, búgingi kúni elimizdegi krımınogendik jaǵdaı turaqty. Mıgranttar tarapynan Qazaqstan azamattaryna qatysty jasalǵan qylmystar tirkelmegen. Sonymen qatar IIM sheteldik azamattardyń qoǵamdyq qaýipsizdigin jáne zańdylyǵyn qamtamasyz etýdi baqylaýdy kúsheıtti, atap aıtqanda, adamdar kóp shoǵyrlanatyn jerlerde polısııa narıadtarynyń sany artty.  

QR Ulttyq qaýipsizdik komıteti tóraǵasynyń orynbasary – Shekara qyzmetiniń dırektory Erlan Aldajumanov tıisti ınfraqurylymy bar ótkizý pýnktterinde Qazaqstan azamattary, júk kóligi jáne sheteldikter úshin jeke jol jolaqtary bólingenin habarlady.  

«Qazirgi kezde Qazaqstan azamattary úshin shekaradan ótý boıynsha problemalar joq», dedi ol. 

f

Premer-Mınıstr jekelegen ótkizý pýnktterinde áli de bolsa uzyn-sonar kezek baryn aıtty. 

«Reseıdiń shekara qyzmetimen ózara is-qımyldy kúsheıtý kerek, eki jaqtan da adamdar jınalyp qalmaýy úshin biryńǵaı algorıtm ázirleý qajet. Sebebi, bul bıznes pen halyqtyń oryndy narazylyǵyn týdyrady», dedi Álıhan Smaıylov.  

Sondaı-aq ishki reıster, avtomobıl jáne temirjol tasymaly sanyn arttyrý boıynsha – ındýstrııa jáne ınfraqurylymdyq damý mınıstri Qaıyrbek О́skenbaev, HQKO jumysy boıynsha – sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, turǵyn úıdi jalǵa alý kezinde azamattardyń quqyqtary men kepildikterin túsindirý boıynsha – ádilet mınıstri Qanat Mýsın baıandama jasady.  

Batys Qazaqstan oblysynyń ákimi Ǵalı Esqalıev, Soltústik Qazaqstan oblysy ákiminiń orynbasary Sátjan Ablalıev, Qostanaı oblysy ákimniń orynbasary Erlan Spanov, Aqtóbe oblysy ákiminiń orynbasary Ermek Kenjehanuly óńirlerdegi jaǵdaı týraly aıtyp berdi.  

Baıandamalardy tyńdaǵan Premer-Mınıstr júk jáne jeńil kólikterdiń ótýin jedeldetý úshin júktemesi kóp shekaralyq ótkizý pýnktterin keńeıtý jóninde sharalar qabyldaý qajettigin atap ótti.  

Sondaı-aq Álıhan Smaıylov turǵyn úıdi jalǵa alý kezinde azamattardyń quqyqtaryn túsindirý jumystaryn kúsheıtýdi tapsyrdy. 

«Bul mıgranttardyń aǵynyna ǵana qatysty emes, jalpy azamattarymyz óz quqyqtaryn bilýi kerek. Egov nemese kóp qoldanylatyn qosymshalar arqyly taraptardyń quqyqtary men mindetterin kórsetetin tıptik jalǵa alý shartyna sıfrlyq túrde qol qoıýǵa bolatyndaı etip jasaý qajet. Bul eki jaqtyń da quqyqtaryn qorǵaýǵa múmkindik beredi», dedi Álıhan Smaıylov.  

Keńesti qorytyndylaı kele, Premer-Mınıstr memlekettik organdar men ákimdikterge kóshi-qon jaǵdaıyn retteý boıynsha keshendi jáne tıimdi sharalar qabyldaý qajettigin atap ótti. 

«Birinshi kezekte qazaqstandyq azamattar úshin turaqty «jasyl dálizdi», sondaı-aq tirkelmegen mıgranttardy anyqtaý úshin mobıldi monıtorıngtik toptardyń jumysyn qamtamasyz etý qajet», dedi Álıhan Smaıylov.  

Sonymen qatar Premer-Mınıstr Qazaqstan azamattarynyń arasynda da, mıgranttar arasynda da kóshi-qon máselelerin retteý boıynsha qabyldanyp jatqan sharalar týraly aqparattyq-túsindirý jumystaryn kúsheıtýdi tapsyrdy.

Sońǵy jańalyqtar

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar