Kókpar Kóshpendiler oıyndarynyń baǵdarlamasyna tuńǵysh ret enip otyr, osyǵan deıin shabandozdar kókbóri oınaǵan bolatyn.
Kókpardan Qazaqstan, Qyrǵyzstan, Túrkııa, Mońǵolııa, О́zbekstan, Aýǵanstan, Vengrııa komandalary keldi. Aýǵanstan attarynyń máselesi sheshilmeýine baılanysty oıyn kórsete almady.
Kókpardan Qazaqstan quramasy alǵashqy oıyndy О́zbekstanmen oınap, 8-1 esebimen jeńiske jetti.
Ekinshi oıyndy Mońǵolııa quramasymen oınap, 12-2 esep aıyrmashylyǵymen fınalǵa shyqty.
Fınalda Qyrǵyzstannyń komandasymen oınaǵan qurama joǵary dárejedegi oıyn úlgisin kórsetti.
Ulttyq qurama músheleri U.Baıtóreev, A.Nyshanbekov, Q.Turǵanbek, A.Jamalbekov, Q.Toǵaıbaev, E.Qurmanbaı, B.Ázimbaev, I.Rát, D.Aıtan, A.Berdiqul, Y.Álipbaev, Á.Mamyt el namysyn abyroımen qorǵady!
Qyrǵyz sheńberine Ádilet Mamyt 2 salym, Qurmanbek Turǵanbek 1 salym, Abylaıhan Nyshanbekov 1 salym saldy.
Ulttyq sport jankúıerleriniń úmitin aqtaǵan ulttyq qurama múshelerin shyn júrekten quttyqtaımyz!
