Aımaqtar • 02 Qazan, 2022

Alaman báıge qazaq jylqysynyń tózimdiligin men júıriktigin dáleldedi

82 ret kórsetildi

«Uly dala joryǵy» marafon-báıgesi márege jetti. Túrkistan jurt­shylyǵy 1200 shaqyrymdy 11 kúnde baǵyndyrǵan batyrlardy úlken qoshemetpen qarsy aldy. Báıgeniń jeńimpazy atanǵan Mańǵystaýdyń «Kókmoınaq» komandasyna 24 mln teńgeniń sertıfıkaty tapsyryldy. Ekinshi oryn ıesi atanǵan Jetisý óńiriniń «Jetisý» komandasyna 12 mln teńge júlde tartý etilce, márege úshinshi bolyp jetken Túrkistan oblysynyń «Teriskeı» komandasynyń shabandozdary 9 mln teńge syıaqyny qanjyǵalaryna baılady.

Memleket basshysy Qasym-Jomart Toqaev jýyrda Túrkistan jurt­shy­lyǵymen kezdesýi kezinde «Uly dala joryǵy» marafon-báıgesiniń mán-ma­ńyzyna toqtalǵan bolatyn. «Jaqynda Astanadan bastaý alǵan «Uly dala jo­ryǵy» sanaýly kúnnen soń Túr­kis­tanda óz máresine jetedi. Munyń zor sımvoldyq máni bar. Osy óńirde hal­qymyzdyń salt-dástúri, ádet-ǵurpy saq­talǵan. Bir sózben aıtqanda, Túrkistan – halqymyzdyń qaımaǵy buzylmaǵan qasıetti mekeni», dedi Prezıdent. Qazaq halqynyń salt-dástúrin jańǵyrtatyn, rýhyn oıatatyn, elimizdiń baı tabıǵaty men tarıhyn zerdeleıtin, jańa týrıs­tik baǵyttardy qalyptastyratyn tyń joba – elimizdiń 6 aımaǵyn (Astana, Aqmola, Qaraǵandy, Ulytaý, Qyzylorda, Túrkistan oblystary) qamtyǵan tuńǵysh jalpyrespýblıkalyq at alamany. Báıgege qatysqan shabandozdar Uly dalany 11 kún boıy kókteı ótip, qazaq taıpalarynyń basyn qosyp, tańbasyn bólisken Ulytaý jerinen ótti. Joshy han men Alasha han kesenelerine taǵzym etti. Qazaq handyǵynyń alǵashqy astanasy Sozaq qalasy men qart Qarataýdy boılaı otyryp, túrki rýhanııatynyń besigi Túr­kistan qalasyna jetti. Jeńimpazdardy ­Máde­nıet jáne sport mınıstri Dáýren Abaev, Amanat partııasynyń Atqarý­shy hatshysy Ashat Oralov, Túrkistan oblysynyń ákimi Darhan Satybal­dy, Ulttyq sport qaýymdastyǵynyń atqa­rýshy dırektory Bolat Mahanalın, Sportqory dırektory Ashat Seısembekov quttyqtap, sertıfıkat pen medaldardy tartý etti.

«Túrkistan Arena» stadıonynda ótken báıgeniń jabylý saltanatynda mınıstr Dáýren Abaev jobanyń ómirsheń bolaryna senim bildirip, shabandozdardyń erligin joǵary baǵalady. Al Túrkistan oblysynyń ákimi Darhan Satybaldy elimizde tuńǵysh ret uıymdastyrylǵan marafon-báıgeniń qasıetti Túrkistanda máresine jetýi óńir úshin úlken mártebe ekenin atap ótti. «Jalpy, sońǵy ýaqytta Túrkistan qalasy jańa qarqynmen damyp, jańa sporttyq nysandar kóptep boı kóterýde. Osy arqyly óńirde sportshy jastar, chempıondar kóbeıedi degen senim mol. Ulttyq qundylyqtarymyzdy dáriptep, qazaqty at sportyna jeteleıtin osyndaı jobalar jalǵasyn taba bersin. Azamattarymyz attan túspesin! Halqymyzdyń mártebesi bıikteı bersin!», dedi D.Satybaldy.

«Uly dala joryǵy» marafon-báıgesin uıymdastyrýshylarynyń biri Arman Abdollaevtyń aıtýynsha, báıgede qazaq jylqylarynyń mártebesi asqaqtaı túsken. «Bıyl tuńǵysh ret ótip otyrǵan bul báıgeniń balamasy álemde joq deýge bolady. Jarysty uıymdastyrý barysynda biz jan-jaqty zerttep kórdik. 1200 shaqyrymdy ári birneshe óńirdi qamtıtyn kóshpeli báıge álemde joq. Taǵy bir aıta keterligi, osy báıgeni qadaǵalap, zerttep júrgen mamandar qazaq tulparlary­nyń shydamdylyǵyna tańǵalyp otyr. ­Biz­diń maqsat ta – ulttyq sportty ulyq­taý, qazaqty at sportyna qyzyqtyrý ári uly dalamyzdyń tulparlaryn dárip­teý. Birneshe oblysty basyp ótip, úlken qıyndyqtardy jeńe bilgen árbir shabandoz qurmetke laıyq. Túrkistan oblysy turǵyndaryna alǵysymyz mol. Osy marafonda eń kóp jankúıer Túrkistan oblysynda jınaldy. Bul – óńirde ulttyq sport janashyrlarynyń kóptiginiń belgisi», deıdi. A.Abdollaev. Al shabandozdar qazaqy jylqyny synaıtyn dál osyndaı jarysty kópten kútkenderin aıtady. Mundaı alaman dodaǵa jylqyny bir jyl baptaý kerektigin, kelesi jylǵa daıyndalatyndaryn aıtýshylar da bar. Iаǵnı shabandozdar bul dodanyń aýqymy keńeıip, dástúrli túrde ótkiziletininen úmitti. О́z aımaǵyndaǵy jylqy tuqymyn dáriptep júrgen atbegilerdiń aıtýynsha, marafon-báıgeniń maqsaty – qazaq jylqysynyń qasıetin álemge tanytý bolýǵa tıis.

Aıta ketelik, Mádenıet jáne sport mınıstrligi jáne The Great Steppe tour qoǵamdyq qorynyń bastamasymen, Amanat partııasynyń qoldaýymen 18 qyrkúıek kúni Astana qalasynda «Uly dala joryǵy» marafon-báıgesi bastalǵan bolatyn. Alǵash ret uıymdastyrylǵan alamanǵa elimizdiń 19 aımaǵynan 19 komanda, 200-ge jýyq sáıgúlik qatysýǵa nıet bildirgen. Ár komanda marafon-báıgege bes attan qosyp, 600 shaqyrym­nan keıin attardy aýystyryp otyrdy. Olar kúnine 100 shaqyrymdy baǵyndyr­dy. Saıystyń sońǵy kúni 4 komanda – Túrkistan, Mańǵystaý, Jetisý jáne Jambyl oblystarynyń shabandozdary ǵana jarys jolyn jalǵastyryp, Túrkistanǵa jetti.

 

TÚRKISTAN

Sońǵy jańalyqtar

Aıtyp kelgen apat

Aımaqtar • Keshe

«Myń bala» jeńimpazdary

Rýhanııat • Keshe

Aqıqattyń aı dıdary – baspasóz

Egemen Qazaqstan • Keshe

Yntymaqtastyq yqpaly

Ekonomıka • Keshe

Jańa formattaǵy saýda

Ekonomıka • Keshe

Jótelge jeńil qaramańyz

Medısına • Keshe

Kókjardaǵy modýldi medpýnkt

Medısına • Keshe

Bitimgershilik sardarlary

Qazaqstan • Keshe

Jyp-jyly júrek býyndaı

Ádebıet • Keshe

Daýystyń da túsi bar

Ádebıet • Keshe

Talantty ánshige taǵzym

О́ner • Keshe

Uqsas jańalyqtar