Sport • 02 Qazan, 2022

Oılylar oıyny aıaqtaldy

50 ret kórsetildi

Elordada shahmattan áıelder arasynda uıymdastyrylǵan 2022/23 jylǵy Gran-prı jarysynyń birinshi kezeńi aıaqtaldy. Eki aptaǵa jalǵasqan baıraqty básekede FIDE (Halyqaralyq shahmat federasııasy) týy astynda óner kórsetken reseılik Ekaterına Lagno úzdik shyqty. Álemdik reıtıngte 2563 upaımen tórtinshi orynda turǵan Lagno osy jeńisiniń arqasynda 15 000 eýro men 160 reıtıngtik upaıǵa ıe boldy.

Astanadaǵy Women Grand Prix-2022 dep atalatyn áıelder arasyndaǵy asa iri halyqaralyq týrnırde álemniń eń tańdaýly degen 12 oıynshysy baq synady. Sondaı-aq bul jarysta Qazaqstan quramasy sapynda byltyrǵy jyldam shahmattan (blıs) álem chempıonatynyń jeńimpazy Bıbisara Asaýbaeva men talaı básekede top jarǵan halyqaralyq dárejedegi grossmeıster Jansaıa Ábdimálik óner kórsetti.

11 kezeńge jalǵasqan Women Grand Prix-2022 jarysynyń birinshi kezeńinde birde-bir oıynda jeńilmeı, segiz upaı oljalaǵan Ekaterına Lagno bas júldeni oljalady. Sońǵy týrda ol 38 jastaǵy otandasy Aleksandra Kostenıýkpen kezdesip, qara fıgýramen oınasa da teń nátıjege qol jetkizdi. Júldeli ekinshi oryndy álemdik reıtıngte ekinshi orynda turǵan taǵy bir reseılik Aleksandra Gorıachkına jeńip aldy. 11-týrda ol úndistandyq Rameshbabý Vaıshalımen upaı bólisti. Enshisinde – 7,5 upaı bar. Al úzdik úshtikti jarystyń altynshy kezeńine deıin kósh bastap kelgen qytaılyq Chjý Szıner (6,5 upaı) túıindedi.

О́kinishke qaraı, qazaqstandyq shahmatshylar jeńis tuǵyrynan kórine almady. Jeti týrda teń oınap, sońǵy eki matchta ǵana jeńiske jetken Jansaıa Ábdimálik 5,5 upaımen besinshi orynǵa taban tirese, jeti ret teń oınap, bireýinde qarsylasynan basym túsken Bıbisara Asaýbaeva 4,5 upaımen 11-orynnan kórindi. Aıta keteıik, jarystyń birinshi týrynda-aq eki otandasymyz bir-birimen kezdesti. Qazaqstannyń qos myqtysy arasynda ótken oıyn teń eseppen aıaqtaldy.

Osylaısha, jarys jeńimpazy atanǵan Lagno 15 000 eýro qar­jylaı syıaqy men 160 reıtıngtik upaıǵa ıe bolsa, kúmis júldeger Aleksandra Gorıachkına 12 000 eýro jáne 130 upaıdy qanjyǵasyna baı­lady. Úshinshi oryndaǵy Chjý Szı­ner 10 000 eýro men 110 reıtıng­tik upaıǵa ıe boldy.

Sondaı-aq áıelder arasyndaǵy alǵashqy Gran-prı kezeńinde júldege ilige almaǵan oılylar oıynynyń ókilderi de qarjylaı syıaqy men reıtıngtik upaıdan quralaqan qalǵan joq. Máselen, tórtinshi oryndaǵy Aleksandra Kostenıýkke 8 000 eýro men 90 upaı berilse, besinshi satyǵa jaıǵasqan Jansaıa Ábdimálik 6 750 eýro jáne 80 upaıdy qorjynyna saldy. Keıingi oryndarǵa jaıǵasqan Tan Chjýnı (5 750 eýro, 70 upaı), Rameshbabý Vaıshalı (5 000 eýro, 60 upaı), Dınara Vagner (4 500 eýro, 50 upaı), Alına Kashlınskaıa (4 000 eýro, 40 upaı), men Elızabet Pets (3 500 eýro, 30 upaı), Bıbisara Asaýbaeva (3 000 eýro, 20 upaı) jáne Polına Shývalovanyń da (2 500 eýro, 10 upaı) Astanadan qorjyny bos qaıtqan joq.

Sońǵy jańalyqtar

Aıtyp kelgen apat

Aımaqtar • Keshe

«Myń bala» jeńimpazdary

Rýhanııat • Keshe

Aqıqattyń aı dıdary – baspasóz

Egemen Qazaqstan • Keshe

Yntymaqtastyq yqpaly

Ekonomıka • Keshe

Jańa formattaǵy saýda

Ekonomıka • Keshe

Jótelge jeńil qaramańyz

Medısına • Keshe

Kókjardaǵy modýldi medpýnkt

Medısına • Keshe

Bitimgershilik sardarlary

Qazaqstan • Keshe

Jyp-jyly júrek býyndaı

Ádebıet • Keshe

Daýystyń da túsi bar

Ádebıet • Keshe

Talantty ánshige taǵzym

О́ner • Keshe

Uqsas jańalyqtar