Sport • 03 Qazan, 2022

Álem kýbogynda top jardy

37 ret kórsetildi

Majarstannyń Sambotheı qalasynda máresine jetken sporttyq gımnastı­kadan besinshi Álem kýbogynda qazaq­standyq sportshylar joǵary nátıjege qol jetkizdi.

Osydan birer apta buryn Fransııanyń bas shahary – Parıjde uıymdastyrylǵan Álem kýbogynyń tórtinshi kezeńinde kúmispen kúp­telgen otandasymyz Narıman Qurbanov bul joly tuǵyrdyń eń bıik satysynan kórinip, Majarstan tórinde Qazaqstannyń Ánuranyn shyrqatty. Ol Sambotheıdegi besinshi kezeńde atta óner kórsetý baǵdarlamasynda chempıon atandy. Qytaı Taıpeıiniń ókili ekinshi orynǵa ıe bolsa, japon sportshysy úzdik úshtikti túıindedi.

Sondaı-aq Álem kýbogy kezeńinde óner kórsetip jatqan taǵy bir jerlesimiz Mılad Karımı erkin jattyǵýda kúmis medal jeńip aldy. Sambotheı qalasynda ótken Álem kýbogy jolyndaǵy jarysta 27 eldiń sportshylary 30 júlde jıyntyǵyn sarapqa saldy. Bul qatarda Olımpıada men álem chempıonatynyń jeńimpazdary men júldegerleri bar.

Endi Álem kýbogynyń sońǵy, altynshy kezeńi 7-9 qazanda Túrkııanyń Mersın qalasynda ótedi. Keıinnen gımnasttar 29 qazanda Anglııada bastalatyn álem chempıonatyna qatysady.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar