«Astana Tazalyq» qyzmetkerlerin kompanııanyń 14 jyldyǵymen quttyqtadym. Bizdiń kommýnaldyq qyzmetter kúndiz de, túnde de, kez-kelgen aýa-raıynda jumysyn toqtatpaıdy. Olardyń qajyrly jáne jaýapty jumysynyń arqasynda qalada tártip pen tazalyq saqtalady. Kommýnaldyq qyzmetkerler qala turǵyndaryna qolaıly jaǵdaı jasaý úshin jumys isteıdi», dep jazdy Astana ákimi.
Ákim kompanııa qyzmetkerleri úshin qolaıly jaǵdaıdy jaqsartý boıynsha tıisti jumys atqarylyp jatqanyn atap ótti. Máselen, úsh jyl ishinde 300-den astam arnaıy tehnıka men jabdyqtar satyp alyndy, osylaısha elordalyq avtopark aıtarlyqtaı jańaryp, keńeıtildi.
«Júıeli negizde jalaqyny arttyramyz. Mysaly, osy jyldyń qarasha aıynan bastap jol jumysshylary men júrgizýshilerdiń jalaqysyn 20%-ǵa arttyramyz (buryn jalaqy basqa sanattar úshin de kóterilgen). Syıaqylar, sonyń ishinde mereke kúnderine engizildi. Biraq bul da jetkiliksiz. Biz jaǵdaı jasaý úshin barlyq kúsh-jigerimizdi jumsaımyz, sonyń ishinde kommýnaldyq qyzmet qyzmetkerleriniń jalaqysyn kóteremiz», delingen ákim habarlamasynda.
Kezdesý sońynda Altaı Kólginov kompanııa qyzmetkerlin quttyqtap, qajyrly eńbekteri úshin alǵysyn aıtty.
«Bizdiń kommýnaldyq qyzmetkerlerge alǵysymdy bildiremin! Biz sizderdiń eńbekterińizdi baǵalaımyz», dedi ákim.
