Ortalyq kommýnıkasııalar qyzmeti alańynda ótken brıfıngte turǵyn úı saıasatynyń jańa mehanızmderin tanystyrdy. Baýyrjan Qabdoldyń aıtýynsha, «Baqytty otbasy» jeńildetilgen baǵdarlamasyna qatysýshylardyń sanattary qaıta qaraldy.
«Turǵyn úı-kommýnaldyq ınfraqurylymdy damytýdyń 2026 jylǵa deıingi jańa tujyrymdamasynda otbasy ınstıtýtyn qoldaý jáne saqtaý maqsatynda «Baqytty otbasy» jeńildetilgen baǵdarlamasyna qatysýshylardyń sanattary qaıta qaraldy. Atap aıtqanda, taldaý nátıjesinde «tolyq emes otbasy» sanaty alynyp tastaldy. Monıtorıng kórsetip otyrǵandaı, «Baqytty otbasy» baǵdarlamasy iske qosylǵan sátten bastap «tolyq emes otbasy» sanaty boıynsha kezekte turǵandar sany 72%-ǵa nemese 61,6 myń adamǵa artqan», dep naqtylady spıker.
