Búgin Halyk Bank-pen birlesip, pılottyq rejımde Halyk Market-te «Kaz Inter Kómir» JShS-niń qatty otynyn satý iske qosyldy. Bul kásiporyn Qostanaı oblysynyń 10 aýdanyn kómirmen qamtyp otyrǵan óńirlik operator bolyp sanalady.
Mobıldi qosymsha arqyly satý núktesin, kómirdiń qajetti markasyn jáne kólemin tańdaý múmkindigi bar. Sonymen birge onlaın tólem jasap, taýardy 3 aıdan 6 aıǵa deıin bólip tóleýge de bolady.
Atalǵan zamanaýı sheshim qatty otyndy tikeleı jáne kezeksiz satyp alýǵa, sondaı-aq halyqtyń jylytý maýsymyna daıyndyǵyn aıtarlyqtaı jeńildetýge múmkindik beredi.
Tıisti jumystar basqa da óńirlerde júrgiziledi. Qazirgi ýaqytta atalǵan platformaǵa Almaty qalasyndaǵy kómir operatory da qosylyp jatyr.
