Túrkistan qaýipsiz qalaǵa aınalady

Bul jóninde Túrkistandaǵy «Kongress holl» kópsalaly ke­sheninde «Túrkistan – rýhanı qa­ýipsiz qala» taqyrybynda ótken forýmda aıtyldy. Atalǵan fo­rým oblystyq polısııa depar­tamentiniń basshysy, polısııa general-maıory Murat Qab­denovtiń bastamasymen, qo­ǵamdyq damý basqarmasynyń qol­daýymen uıymdastyrylyp otyr. Túrkistan qalalyq polı­sııa basqarmasynyń basshysy Baýyrjan Janaevtyń málim­deýinshe, jyl basynan beri ot­basyndaǵy janjal boıynsha 580 shaqyrtý tússe, onyń 360-y ishimdik iship alyp, shańyraǵynda shý shyǵarǵan. Mas bolyp, janjal shyǵarǵandarǵa qatysty 11 qylmystyq is tirkelse, 153 derek kólik tizgindeýge baılanys­ty. Demek qylmystardyń kóp tirkelýine ishimdik edáýir áser etýde. Bul oraıda qalanyń rýhanı bolmysy men turǵyndardyń tulǵalyq ereksheligin aıshyqtaý maqsatynda «ishimdiksiz qala» mártebesine jetý polısııa qyz­metkerleri úshin de mańyzdy is. Sondaı-aq basqarma bas­shy­sy «Kerýen saraı» saýda ári oıyn-saýyq kesheniniń bas­shy­ly­ǵy jáne «Birlik» shaǵyn aýda­nyndaǵy kafe ıelerimen qa­ýip­sizdikti saqtaý boıynsha bir­lese jumys isteý jó­nin­­­de kelisim jasalǵanyn aıtyp ótti. Servıstik polısııa mo­­­de­lin qalyptastyrý maq­sa­tynda «Qaýipsiz qala», «Qa­ýip­­siz jol» is-sharalaryn tu­raq­ty túrde ótkizip, reıdter uıymdastyrylǵan. Bul ju­mystar óz jemisin berýde. «Túr­kistan shaharynda turǵyndar­men ashyq ári tyǵyz baıla­nys ornatý, «servıstik polısııa» tujyrymdamasyn júzege asyrý baǵytynda júıeli jumys atqarylýda. Oblystyq polı­sııa departamenti basshylyǵy­nyń tapsyrmasyna sáıkes, tur­ǵyndardyń qaýipsizdigi men qu­qyqtaryn qorǵaý jumysta­ry kúsheıtile tústi. Qoǵamdyq tár­tipti saqtaý, turaqtylyqty tý etý basty orynǵa shyqty. Sha­harda «Azamattarǵa ar­nal­ǵan qabyldaý» front-keń­sesi jumys istep tur. Jańa orta­lyqtyń ashylýy arqyly polısııa qyzmetkerleri halyqpen tyǵyz qarym-qatynas ornatýdy kózdeıdi. Keńes berip, jańa formatta jumys isteýde. Sonyń biri – aryz-shaǵymdardy beınejazý arqyly qabyldaý. Arnaıy tehnıkamen jaraqtalǵan bólme bar, sol jerde shaǵymdanýshy­nyń sózin, aıǵaq zattaryn taspaǵa basyp alýǵa bolady. Bul óz ke­­ze­ginde is qaǵazdarynyń bur­malanbaýyna áser etetin bir­­den-bir faktor», dedi Ba­ýyr­jan Janaev. Sondaı-aq po­lı­sııa basqarmasynyń bas­shy­sy turǵyndardy qo­ǵam tynysh­ty­ǵyn birlese qam­ta­masyz etýge shaqyrdy.

Aıta ketelik, atalǵan fo­rýmǵa sportshy, erejesiz jekpe-jekten álemniń úsh dúrkin chempıony Ardaq Nazarov, medıasarapshy, jýrnalıst О́rken Kenjebek, sarapshy, jýrnalıst Nurdilda Oraz, kásipker, memlekettik «Daryn» jastar syılyǵynyń laýreaty Oljas Súleımenov, ánshi, sportshy Eskendir Ibragım arnaıy spıker retinde qatysty. Olar rýhanı astana atanyp kele jat­qan oblys ortalyǵyn qaýipsiz qala etý tóńireginde ózderiniń pikirlerin jetkizip, kópshilikpen pikir almasty.

TÚRKISTAN