Hokkeı • 04 Qazan, 2022

Overtaımda jeńdi

40 ret kórsetildi

Qurlyqtyq hokkeı lıgasynda (QHL) baq synap jatqan elordanyń «Ba­rysy» syrt aıdyndaǵy jeńisti jolyn Qazaqstanda da jalǵastyrdy.

 

Qyrkúıektiń sońynda Iаroslavl pen Máskeýge sapar shegip, «Lokomotıvti» býl­lıtte tize búktirip (1:0), «Spartakty» ne­gizgi ýa­qytta san soqtyrǵan (3:1) «Barys» endi, mine, elordadaǵy básekede «Sochıdi» súrin­dirdi. «Batys» konferensııasynda sońǵy oryndardyń birinde kele jatqan reseılik komanda «Barys Arenadaǵy» matchtyń al­ǵashqy kezeńinde «á» degennen esepte alǵa shyqty. Nıkıta Zorkın men Nıkıta Pıv­sakınniń soqqan shaıbalaryna ekinshi kezeńde «Barys» oıynshylary úsh shaıbamen ja­ýap qaıtaryp, tarazy basyn ózderine aýdardy. Goldyń avtorlary – Anton Sagadeev, Djeremı Brakko jáne Entonı Lýıs. Alaıda jergilikti jankúıerlerdiń qýanyshy uzaqqa so­zylmady. Ekinshi kezeń aıaqtalar tusta Nı­kıta Popýgaev segiz mınýtta dýbldiń avtory atanyp, «Sochıge» qaıta basymdyq syılady – 3:4.

Úshinshi kezeńde Lınden Veı esepti qaıta teńestirip, oıyndy overtaımǵa ulastyrdy. Qosymsha ýaqytta Veı taǵy da mergendigimen kózge túsip, oıynnyń núktesin qoıdy – 5:4. Jer­lesterimiz kelesi kezdesýin búgin Nıj­nekamskiniń «Neftehımıgimen» ótkizedi.

Sońǵy jańalyqtar

Uqsas jańalyqtar