«Kólik apattarynyń negizgi sebepteri – joldardyń nashar jaǵdaıy. Halyq tarapynan joldyń sapasyna qatysty shaǵym óte kóp. Aıtalyq, 26 qyrkúıekte Aqtóbede turǵyndar aınalma joldy jaýyp tastady. Sebebi ol jolda ne jaryq joq, ne jaıaý júrginshi ótetin jer, ne qaýipsizdik elementteri joq. Munyń bári jol apatyna alyp keledi», dedi Álıhan Smaıylov.
Onyń aıtýynsha, jol qaýipsizdigi salasynda beınekameralar men basqa da tehnıkalyq baqylaý quraldary jetkiliksiz.
«Respýblıkalyq mańyzy bar avtojoldarda beınebaqylaý júıesi tek Aqmola oblysynda ǵana bar. Bizdiń basty mindetimiz – jol qaýipsizdigi, jol apattary men odan qaza bolý jaǵdaılaryn azaıtý boıynsha keshendi sheshimder qabyldaý», dedi Premer-Mınıstr.
