Qazaqstan • 04 Qazan, 2022

KazAgro/KazFarm kórmesine álemniń 20 elinen 300-den astam agroónerkásiptik kompanııa qatysady

70 ret kórsetildi

Bul iri kórme barysynda Astanada alǵash ret asyl tuqymdy buqalardyń tuqymdyq materıaldaryna aýksıon ótedi, dep jazady Egemen.kz.

2022 jyldyń 12-14 qazanynda EXPO HKO-da KazAgro/KazFarm halyqaralyq salalyq is-sharalary – Ortalyq Azııadaǵy eń iri aýylsharýashylyq kórmeleri jáne agroónerkásip salasyndaǵy álemdik ınnovasııalardy tanystyrýdyń jetekshi kásibı alańy ótedi.

KazAgro - tuqym tańdaýdan bastap, daıyn ónim men zamanaýı tehnologııalardy qamtıtyn ósimdik sharýashylyǵy kórmesi. KazFarm, óz kezeginde mal sharýashylyǵy men et-sút ónerkásibine arnalǵan kórme – embrıondardan bastap daıyn ónimder men qyzmetterge deıin tolyq qamtylǵan.

155

«KazAgro/KazFarm-2022» naryqqa álemdik jetekshi agrokonsernderdiń sońǵy úlgidegi aýylsharýashylyq tehnıkasy men jabdyqtaryn, ınnovasııalyq tehnologııalardy jáne agroónerkásip salasyna agro-ǵylymnyń sońǵy álemdik jetistikterin engizýge yqpal etetin aýyl sharýashylyǵy sektoryn damytý baǵdarlamalaryn usynady.

«ExpoGroup» halyqaralyq kórme kompanııasy Qazaqstanda jyl saıyn ártúrli elderdiń 300-den astam agroónerkásiptik kompanııalaryn biriktiretin kórmelerdi 10 jyldan astam ýaqyttan beri ótkizip keledi. Bıyl kórmelerge álemniń 20-dan astam elinen kompanııalar men uıymdar qatysady. Sharanyń bas demeýshisi «Rostselmash» kompanııalar toby.

Sharany uıymdastyrýshy, ExpoGroup kompanııasynyń dırektory Sholpan Qojabaevanyń aıtýynsha, jalpy joba fermerlerge úsh kún ishinde bir nysanda múldem barlyq bıznes sharalardy júzege asyrýǵa múmkindik beredi. Kórmeniń jalpy aýdany shamamen 20 000 sharshy metrdi quraıdy.

14

2021 jyly is-shara rekordtyq 33 000 qatysýshyny tartty. Olardyń qatarynda qazaqstandyq fermerler, kóterme jáne bólshek saýda ókilderi, ımporttaýshylar men eksporttaýshylar, Qazaqstan Respýblıkasy Aýyl sharýashylyǵy mınıstrligi men alys jáne jaqyn shetelderdiń basqa da ýákiletti memlekettik organdarynyń ókilderi, sala mamandary men ǵylymı-zertteý ınstıtýttarynyń ǵalymdary bar.

Kórme baǵdarlamasynda jetekshi sala mamandarynyń, aýyl sharýashylyǵy kásiporyndary men ınnovasııalyq ortalyqtardyń basshylarynyń qatysýymen semınarlar, prezentasııalar uıymdastyrý jáne ótkizý, iskerlik mıssııalar men qazaqstandyq jáne sheteldik kompanııalar arasynda memorandýmdarǵa qol qoıý qarastyrylǵan.

Qatysýshylar men kórme qonaqtary agronomdarǵa arnalǵan jańa qosymshanyń tusaýkeserine kýá bolady; mal sharýashylyǵyna arnalǵan jańalyqtar; aýyl sharýashylyǵyna arnalǵan jańa KAMAZ kólikteri men mashınalarynyń tusaýkeseri; shetel tehnologııasyn kórsetý; jańa ónimderdi tanystyrý; Qazaqstandaǵy aýylsharýashylyq tehnıkasynyń alǵashqy ishki naryǵynyń tusaýkeseri, sonymen qatar ártúrli ınteraktıvti is-sharalar, baıqaýlar men sheberlik synyptary uıymdastyrylady.

45

Sonymen qatar, kórmeler barysynda QR Aýyl sharýashylyǵy mınıstrligi elimizdiń barlyq óńirlerinen úzdik jáne ozyq ósimdik sharýashylyǵyndaǵy mamandardy marapattaı otyryp, Qazaqstan seleksıonerleriniń II sletin ótkizedi. Sondaı-aq kórmeler tarıhynda alǵash ret 2022 jyly tańdaýly buqalardyń tuqymdyq materıaldaryna aýksıon bolady.

 

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar