Fýtbol • 04 Qazan, 2022

«Aqtóbe» «Aqjaıyqtan» utyldy

38 ret kórsetildi

Ulttar lıgasy týrnırine baılanysty ýaqytsha úziliske shyqqan fýtboldan Qazaqstan chempıonaty qaıta jalǵasty. Elimizdiń jeti qalasynda ótken 21-týr matchtary jankúıerler kútpegen tosyn nátıjelerge toly boldy. Máselen, el chempıonatynda top bastap, qatarynan segiz oıynda jeńilmegen «Aqtóbe» bul týrda týrnır kestesinde sońǵy oryndarda kele jatqan «Aqjaıyqtan» utylyp qaldy. «Astana» syrt alańda áreń degende «Turanmen» teń oınap, basty qarsylasynyń upaı joǵaltqanyn tıimdi paıdalana almady.

Otandyq fýtbol tarıhyndaǵy eń úzdik shabýylshylardyń biri bolǵan Sergeı Kvochkındi eske túsirýge arnalǵan XXI týrda top basyndaǵy komandalarǵa qara­ǵanda, aýtsaıderlerdiń aıy ońy­nan týdy. Týr ótken saıyn tyqyr taıa­nyp, chempıonattaǵy ornyn saqtap qalýǵa ty­rysyp jatqan «Aqjaıyq», «Maq­ta­aral» sekildi komandalar bul joly qor­jyndaryn mańyzdy úsh upaımen tolyq­­tyryp, kelesi jyly da joǵary topta óner kórsetýge úmitti ekendikterin baıqatty.

Eń keıingi ret shildede jeńilip, sońǵy úsh aıda upaıdan shashaý shyǵarmaǵan «Aqtóbe» 21-týrǵa kelgende súrindi. Oral­­da jergilikti «Aqjaıyq» klýbymen kezdesken Andreı Karpovıch shákirtteri 3:1 esebimen jeńilip qaldy. Alań ıeleri 90-mınýtqa deıin qonaqtar qaqpasyna jaýapsyz úsh gol soǵyp, matchty iri eseppen aıaqtaýǵa jaqyn edi. Alaıda 90-mınýtta Jerar Goý gol soǵyp, esep aıyrmasyn bir golǵa qysqartty.

Osy týrdyń taǵy bir sensasııasyn «Maqta­aral» jasady. Taraz qalasyna qo­naqqa barǵan Túrkistan oblysynyń klýby osydan birer aı buryn chempıonatta kósh bastaǵan «Tarazdy» bir dop aıyrmasymen jeńip ketti. Oıyndaǵy jalǵyz goldy 35-mınýtta Jan Alı Paırýz soqty. Osy­laısha, týrnır kestesinde sońǵy orynda turǵan «Maqtaaral» mańyzdy úsh upaıy­na qol jetkizip, upaı sanyn 18-ge jetkizdi.

Grıgorıı Babaıannyń «Astanaǵa» qaıta oralýy ázirge jankúıerlerdi de, komanda basshylyǵyn da qýanta qoıǵan joq. О́tken týrda óz alańynda «Tobyldan» jeńilgen (1:2) elordalyqtar bul týrda «Turanmen» upaı bólisýge májbúr boldy. Túrkistanda ótken tartysty kezdesý 2:2 esebimen teń aıaqtaldy. «Turan» sapynan Baqdáýlet Zulfyqarov pen Artem Gý­renko gol soqsa, elordalyqtardan Abat Aıymbetov pen Marın Tomasov mergendik tanytty. Birinshi taımnyń 42-mınýtynda «Astananyń» jartylaı qorǵaýshysy Pedro Eýdjenıo penaltıden gol soǵa almady. Túrkistannan bir upaımen elor­daǵa qaıtqan «Astana» «Aqtóbemen» aradaǵy upaı sanyn nebári bireýge ǵana qysqarta aldy.

Týrnır kestesinde alǵashqy eki orynda kele jatqan komandalardyń upaıdan shashaý shyǵarǵanyn úshinshi oryndaǵy «Tobyl» tıimdi paıdalanyp ketti. О́z alańynda Qaraǵandynyń «Shahterin» qabyldaǵan qostanaılyqtar 3:1 esebimen senimdi jeńiske jetti. Upaı sanyn 38-ge jetkizip, «Astanamen» teńesken byl­tyrǵy el birinshiliginiń jeńimpazdary chempıondyq talasqa qaıta qosyldy. Matchtyń esebin «Tobyldyń» kapıtany Serikjan Mujyqov ashqanymen, Stefan Býkoras úziliske deıin tarazy basyn te­ńestirdi. Match sońyna qaraı Dýshan Io­vanchıch 11 metrlik aıyp soqqysyn dál oryndasa, keıinnen Serj Deble kezdesýdiń núktesin qoıdy.

Sondaı-aq júldeli oryndarǵa talas júrgizip jatqan «Qaırat» pen «Or­dabasy» da kezekti úsh upaılaryna qol jetkizdi. Almatylyqtar syrt alańda «Qy­zyljar» klýbymen kezdesip, sońǵy mınýtta jeńisti julyp aldy. Birinshi taımda Joao Paýlo almatylyqtardy alǵa shyǵarǵanymen, úziliske deıin Elgýdja Lobjanıdze tarazy basyn teńestirdi. Ekin­shi taımnyń qosymsha ýaqytynda Vıacheslav Shvyrev gol soǵyp, qonaqtarǵa jeńis syılady.

Al «Ordabasy» óz alańynda «Aty­raýdy» qabyldap, 2:0 esebimen jeńiske jetti. Goldardy 38-mınýtta Ádilhan Dobaı men 90+5 mınýtta Odılbek Obdı­majıtov soqty. 21-týrdan keıin «Qaırat» 33 upaımen tórtinshi, «Ordabasy» 32 upaımen besinshi satyǵa jaıǵasty.

Aqtaýdaǵy «Kaspıı» men «Aqsý» arasyn­daǵy match alań ıeleriniń paıda­syna aıaqtaldy – 1:0. Sheshýshi goldy 41-mı­nýtta brazılııalyq legıoner Rýan Telesh soqty. Osy jeńisiniń arqasynda «Kas­pıı» 29 upaı jınap, 7-orynǵa kóte­rildi. «Aqsý» bir saty tómendep, 9-orynǵa turaqtady.

Kelesi týrdyń matchtary aldaǵy senbi, jeksenbi kúnderine josparlanǵan. Iаǵnı 8 qazan kúni «Aqtóbe» – «Kaspıı» jáne «Aqsý» – «Tobyl» komandalary oınasa, 9 qazan jeksenbi kúni «Taraz» – «Qyzyl­jar», «Astana» – «Ordabasy», «Atyraý» – «Qaırat», «Maqtaaral» – «Aqjaıyq», «Shah­­ter» – «Turan» komandalary jasyl alań­da kezdesedi.

Týrnır kestesi 

 K???lýb

Oıyn

Jeńis

Teń

Jeńilis

Dop aıyrmasy

Upaı

1

 «Aqtóbe»

21

13

3

5

30-22

42

2

 «Astana»

21

11

5

5

45-21

38

3

 «Tobyl»

21

11

5

5

39-27

38

4

 «Qaırat»

21

9

6

6

27-27

33

5

 «Ordabasy»

21

10

2

9

31-29

32

6

 «Shahter»

21

9

3

9

30-27

30

7

 «Kaspıı»

21

9

2

10

22-29

29

8

 «Atyraý»

21

7

7

7

24-25

28

9

 «Aqsý»

21

8

2

11

24-32

26

10

 «Taraz»

21

6

7

8

24-23

25

11

 «Turan»

20

5

8

7

19-25

23

12

 «Qyzyljar»

21

5

7

9

24-26

22

13

 «Aqjaıyq»

20

6

3

11

15-24

21

14

 «Maqtaaral»

21

4

6

11

18-35

18

 

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar