Anamdy saǵyndym... Anamsyz ótken bir jyl... Áli de sene alar emespin... Sený qıyn. Degenmen bul da ómirdiń buljymas qatal zańy. Amalsyz moıynsunamyz. Myna ómirdiń jalǵan ekenin uqtyryp ótken sol aýyr shaqtan bastap anama degen máńgilik saǵynyshym bastaldy. Adam basynan ótkermese, barlyq jan dúnıeńdi kúıretip óter ol kúıdi jazyp jetkizý qıyn. Eshkimniń basyna bermesin. Analar aman bolsynshy!
Es bilgeli eteginde erkelep ósken anamdy eń úlken qamqorshym sanap, ony maqtan etetinmin. Men úshin anam ulttyń anasy, qazaqtyń anasy sııaqty áser qaldyratyn. Asyl anam 10 bala tárbıelep ósirgen, eki márte «Altyn alqa» ıegeri atanǵan keńqursaq, el arasynda qadiri asqaq jan edi. Tún uıqysyn tórt bólip ósirgen ul-qyzdary aman-esen er jetip, úlken ómirden óz oryndaryn tapty. Anamsyz tárbıe kórip, qanatymyz qataıýy ekitalaı-tyn. Áli kúnge deıin aqylyn izdep, meıirimin ańsap turamyz.
Ákem ekeýi qandaı jarasymdy edi. Qansha qınalsa da qabaq shytpaı, ishteı uǵynysyp, syılasyp ǵumyr keshti. Áli kúnge deıin aýyldaǵy qarashańyraqta asqar taý ákemniń janynda júrgendeı kórinedi. Alystan jylyna bir-eki ret baryp júrgendegi kútip otyrǵan beınesi máńgi esimizde. Aýylǵa barǵan saıyn meıirimińizdi saǵynamyz. Áli de erkelegimiz keledi.
О́mir zańy – amalym joq, talasym...
Jadymyzda máńgi qaldyń anashym,
Asyl anam! Nur shashqandaı kelbetiń,
Eń asyl jan bizge óziń ǵanasyń!
Asyl anashym, endi sizdiń ornyńyzdy eshkim toltyra almas!
Elerke TО́REHANOVA
ASTANA
