Taraptar elimizdegi mıssııa jumysynyń qorytyndylaryn, sondaı-aq QR Úkimetiniń ınflıasııaǵa qarsy kúres, salyqtyq ákimshilendirý men bıýdjettik josparlaýdyń tıimdiligin arttyrý sharalaryn, jumyspen qamtýdy qamtamasyz etý, sıfrlandyrý jáne memlekettiń ekonomıkadaǵy úlesin tómendetý máselelerin talqylady.
Sonymen qatar Qazaqstannyń 2060 jylǵa deıingi kómirtegi beıtaraptyǵyna qol jetkizý jónindegi bastamalary, ınvestısııalar tartý jónindegi qadamdary, aǵymdaǵy syrtqy ekonomıkalyq syn-qaterler jáne óńirlik kún tártibindegi basqa da ózekti máseleler qaraldy.
«Biz HVQ-men seriktestiktiń strategııalyq mańyzdylyǵyn jáne Qordyń elimizdiń damýyna qosyp otyrǵan úlesin joǵary baǵalaımyz», dedi Álıhan Smaıylov.
Nıkolıa Blanshe Qazaqstanda júrgizilip jatqan reformalarǵa jáne HVQ eldik mıssııasynyń jumysyna joǵary baǵalady.
«Bizdiń aramyzda berik jáne syndarly yntymaqtastyq qalyptasty. Biz Úkimettiń jańa reformalardy iske asyrý jónindegi qadamdaryn quptaımyz jáne barlyq múddeli baǵyttar boıynsha konsýltasııalarymyz ben tehnıkalyq kómegimizdi usynýǵa daıynbyz», dedi Nıkolıa Blanshe.
