Qazaqstan Respýblıkasy Úkimetiniń qaýlysy №354

2014 jylǵy 14 sáýir,  Astana, Úkimet Úıi Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl josparyn bekitý týraly Qazaqstan Respýblıkasynyń Úkimeti qaýly etedi: 1. Qosa berilip otyrǵan Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl jospary (budan ári – Jospar) bekitilsin. 2. «Báıterek» ulttyq basqarýshy holdıngi» aksıonerlik qoǵamy (kelisim boıynsha) «Damý» kásipkerlikti damytý qory» aksıonerlik qoǵamymen (kelisim boıynsha) birlesip: 1) Jospardyń ýaqtyly oryndalýyn qamtamasyz etsin; 2) 2014 jylǵy 15 maýsymǵa qaraı Qazaqstan Respýblıkasy Ekonomıka jáne bıýdjettik josparlaý mınıstrligine Jospardyń iske asyrylýy týraly aqparat bersin. 3. Qazaqstan Respýblıkasy Ekonomıka jáne bıýdjettik josparlaý mınıstrligi 2014 jylǵy 1 shildege deıin Qazaqstan Respýblıkasynyń Úkimetine Jospardyń oryndalýy týraly jıyntyq aqparat bersin. 4. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2014 jylǵy 14 sáýirdegi №354 qaýlysymen bekitilgen Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl jospary 1. Aǵymdaǵy jaǵdaıdy taldaý 2014 jyly Údemeli ındýstrııalyq-ınnovasııalyq damý jónindegi 2010 – 2014 jyldarǵa arnalǵan memlekettik baǵdarlamanyń (budan ári – ÚIIDMB) alǵashqy besjyldyǵy aıaqtalady. ÚIIDMB aldyn ala qorytyndysy onyń eldiń áleýmettik-ekonomıkalyq damýyna oń áserin tıgizgenin aıǵaqtaıdy. О́ńdeý ónerkásibindegi óndiris kólemi 2008 jylmen salystyrǵanda naqty mánde 22,5 % ulǵaıdy, óńdeýshi sektordaǵy eńbek ónimdiliginiń deńgeıi 37,3 myń AQSh dollarynan 58,5 myń AQSh dollaryna deıin ulǵaıdy. ÚIIDMB iske asyrý sheńberinde 651 joba paıdalanýǵa berilip, olarda 67 myńnan astam turaqty jumys orny quryldy. Oń úrdisterge qaramastan, respýblıkada salalardyń damýyndaǵy teńgerimsizdik saqtalyp otyr, ekonomıkanyń ósýindegi óndiristik sektorlardyń mańyzdylyǵy tómendep barady, negizgi kapıtalǵa sheteldik ınvestısııanyń quıylýy jáne respýblıka eksportyndaǵy shıkizat emes ónimniń úlesi azaıý ústinde. Eger óńdeý ónerkásibi óniminiń ósý serpinin qarastyratyn bolsaq, onyń qarqyny sońǵy jyldar ishinde tómendep ketken: ósý qarqyny 13,6 %-ǵa jetken 2010 jylmen salystyrǵanda 2013 jyldyń qorytyndysy boıynsha ósý deńgeıi tek 1,6% bolyp otyr. Budan basqa, jalpy ishki ónimniń (budan ári – JIО́) ozyńqy qarqynmen ósýi esebinen onyń da qurylymyndaǵy óńdeý ónerkásibiniń úlesi azaıyp keledi. 2010 – 2013 jyldar ishinde óńdeý ónerkásibi sektorynyń JIО́-ge úlesi 0,7 paıyzdyq tarmaqqa qysqaryp, 10,6 %-dy qurady. Bul rette ÚIIDMB-nyń 2015 jylǵy nysanaly ındıkatory óńdeý ónerkásibiniń JIО́ qurylymyndaǵy úlesin keminde 12,5 % deńgeıine deıin jetkizý bolyp tabylady. Sektordy qarjylandyrýdy qalpyna keltirý prosesiniń uzaqqa sozylýy óńdeý ónerkásibinegi ósý qarqynynyń baıaýlaýynyń negizgi sebepteriniń biri bolyp tabylady. Sońǵy toǵyz jyl ishinde óńdeý ónerkásibine kredıt berýdegi úsh kezeńdi bólip kórsetýge bolady: 1) daǵdarysqa deıingi kezeń (2008 jylǵa deıin) – ekinshi deńgeıdegi bankterdiń (budan ári – EDB) nesıe qorjynynyń birtindep ulǵaıýy; 2) daǵdarys kezeńi (2008 – 2010 jyldar) – kredıt berýdi toqtata turý jáne nesıe qorjynyn 440 – 455 mlrd. teńge deńgeıinde tirkeý; 3) daǵdarystan keıingi kezeń – sońǵy 4 jylda qorjynnyń 455 mlrd. teńgeden 876 mlrd. teńgege deıin 2 esege artýy. 2010 jyly «Bıznestiń jol kartasy – 2020» baǵdarlamasynyń iske qosylýy EDB kredıt berýi úshin óńdeýshi sektordy tartymdyraq etti. О́ńdeý ónerkásibindegi kásipkerlikti qarjylaı qoldaýdyń kórsetilgen baǵdarlamada kózdelgen syıaqy mólsherlemelerin sýbsıdııalaý jáne kredıtterge kepildik berý sııaqty sharalary jyl saıyn beriletin qarjy kólemin 383 mlrd. teńgeden 938 mlrd. teńgege deıin ulǵaıtýǵa múmkindik berdi. Sonymen qatar, bul sharalar EDB-daǵy ótimdilikti ekonomıkanyń basym sektorlaryna kredıt berýge tartýǵa baǵyttalǵan bolatyn. EDB-ny memleket tarapynan qorlandyrý júzege asyrylǵan joq. Degenmen, qazirgi ýaqytta óńdeý ónerkásibiniń ósý qarqyny báseńdegen kezde ekonomıkanyń osy sektorynyń kásiporyndary úshin, ásirese, shaǵyn jáne orta kásipkerlik (budan ári – ShOK) úshin qarjy qarajatyna degen tapshylyqtyń qalyptasqany aıqyndala tústi. Eger óńdeý ónerkásibi óniminiń jalpy kólemindegi ShOK óniminiń úlesin qarastyrar bolsaq, 2010 – 2013 jyldary ol 22,8 %-dan 15,4 %-ǵa deıin tómendegen. Mundaı tómendeý EDB kredıtteriniń jalpy kóleminde ónerkásiptegi shaǵyn kásipkerlikke beriletin kredıtter úlesiniń azaıýy aıasynda oryn alǵanynyń mańyzy az emes: 2010 jylǵy 19,4 %-dan 2013 jyly 12,3 %-ǵa deıin azaıdy, al 2013 jyly jedel derekter boıynsha kredıttiń absolıýtti mánde 20 mlrd. teńgege azaıýymen birge, óńdeý ónerkásibindegi ShOK ónimin shyǵarý 85 mlrd. teńgege tómendedi. Qazaqstan Respýblıkasy Ulttyq Bankiniń (budan ári – QRUB) zertteý derekteri boıynsha óńdeý ónerkásibi kásiporyndarynyń kredıtke degen suranysy jalpy ekonomıkaǵa qaraǵanda joǵary. EDB usynatyn syıaqy mólsherlemeleri ekonomıkanyń naqty sektoryndaǵy kásiporyndar mejelegennen edáýir joǵary. О́ńdeý ónerkásibindegi uzaq merzimdi kredıtter boıynsha syıaqy mólsherlemesi orta eseppen 11,4 % deńgeıinde bolsa, QRUB zertteýine sáıkes ekonomıkanyń naqty sektoryndaǵy (onyń ishinde óńdeý ónerkásibindegi) kásiporyndar úshin qolaıly paıyzdyq mólsherleme teńgemen 8,7 % jáne shetel valıýtasynda 6,9 % deńgeıinde. Sońǵy birneshe jyldar boıy mejeli (qolaıly) paıyzdyq mólsherleme deńgeıin ekonomıkanyń naqty sektoryndaǵy kásiporyndardyń azaıtý úrdisi baıqalyp keledi, ıaǵnı ekonomıkanyń basym sektorlaryndaǵy kásiporyndar búginde neǵurlym tómen paıyzdyq mólsherleme boıynsha qaryz kapıtalyn qajet etedi. Bul rette, óńdeý ónerkásibiniń kásiporyndaryna kredıt berýge degen EDB qyzyǵýshylyǵy ótken kezeńmen salystyrǵanda birshama tómendep ketti –kredıt bólgisi keletin EDB sany 47 %-dan 35 %-ǵa deıin azaıdy. Sondaı-aq, teńgeniń qunsyzdanýy da óńdeý ónerkásibi kásiporyndaryn qarjylandyrýǵa keleńsiz áserin tıgizdi. Banktik emes zańdy tulǵalar kredıtteriniń 37 %-ǵa jýyǵyn shetel valıýtasyndaǵy kredıtter quraıdy. Baǵamdyq aıyrma nátıjesinde kredıtterge qyzmet kórsetý boıynsha óńdeý ónerkásibi kásiporyndaryna túsetin júkteme 570 mlrd. teńgege nemese jıyntyq nesıe beresheginiń 7 %-yna ósti. Osylaısha, óńdeý ónerkásibiniń jobalary úshin kredıt qarajatynyń qoljetimdiligin arttyrý qajettigi óndeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi qosymsha jańa sharalar qabyldaýdy talap etedi. 2. Maqsatqa qol jetkizý jáne alǵa qoıylǵan mindetterdi iske asyrý tetikteri Qazaqstan Respýblıkasynyń Úkimeti keıinnen óndeý ónerkásibindegi ShOK jobalaryna kredıt berý úshin EDB qarjylandyrý boıynsha shara qoldanylatyn bolady. О́ńdeý ónerkásibindegi ShOK jobalaryn Qazaqstan Respýblıkasy Ulttyq qorynyń qarajatynan qarjylandyrýdyń jalpy kólemi 100 mlrd. teńgeni quraıdy. Qazaqstan Respýblıkasy Ulttyq qorynyń qarajatyn paıdalaný «Damý» kásipkerlikti damytý qory» aksıonerlik qoǵamynyń (budan ári – «Damý» KDQ» AQ) qarajatyn óndeý ónerkásibindegi ShOK sýbektilerin qarjylandyrý úshin EDB-ge shartty túrde ornalastyrý jolymen júzege asyrylady. Bul maqsat úshin «Báıterek» ulttyq basqarýshy holdıngi» aksıonerlik qoǵamy (budan ári – «Báıterek» UBH» AQ) oblıgasııalar aınalysy bastalǵan kúnnen bastap 20 jylǵa deıingi merzimge jyldyq 0,1 % syıaqy mólsherlemesi boıynsha 100 mlrd. teńge somasyna oblıgasııalar shyǵarý jolymen Qazaqstan Respýblıkasynyń Ulttyq qorynan qaryz alýdy júzege asyrady. Oblıgasııalyq qaryzdy óteý merzimi – aınalys merziminiń sońynda, 2024 jyldan bastap emıtenttiń bastamasy boıynsha merziminen buryn óteý quqyǵy bolady. Qarajat alǵannan keıin «Báıterek» UBH» AQ «Damý» KDQ» AQ-na jasalǵan tıisti Kredıt shartynyń talaptaryna sáıkes merzim sońynda qarajatty bir somamen óteý shartymen jyldyq 0,15% syıaqy mólsherlemesi boıynsha 20 jylǵa deıingi merzimge 100 mlrd. teńge somasyna kredıt beredi. 3. Qarajatty ekinshi deńgeıdegi bankterge shartty túrde ornalastyrýdyń sharttary men tetikteri EDB tizbesi men olar boıynsha lımıtter somasy Qazaqstan Respýblıkasynyń Ekonomıkany jańǵyrtý máseleleri jónindegi memlekettik komıssııanyń (budan ári – Memlekettik komıssııa) tıisti sheshimimen aıqyndalady. Memlekettik komıssııa sońǵy qaryz alýshylar úshin syıaqynyń jyldyq tıimdi mólsherlemesin qalyptastyrý tásilderin aıqyndaıdy. «Báıterek» UBH» AQ, «Damý» KDQ» AQ jáne EDB Qazaqstan Respýblıkasynyń Ulttyq qorynan bólinetin qarajat boıynsha tólemder ótkizý úshin QRUB-da jeke banktik shot ashady. «Báıterek» UBH» AQ «Damý» KDQ» AQ-nyń QRUB-daǵy jeke banktik shotyna osy Josparǵa 1-qosymshaǵa sáıkes nysan boıynsha jasalǵan Kredıt shartyna sáıkes qarajat somasyn ornalastyrady. «Damý» KDQ» AQ osy Josparǵa 2-qosymshaǵa sáıkes nysan boıynsha EDB-men Kredıttik kelisimder jasaýdy júzege asyrady. «Damý» KDQ» AQ alynǵan kredıt qarajatyn EDB-da jyldyq 2,0 %-dan aspaıtyn mólsherlememen ornalastyrady. «Damý» KDQ» AQ kredıt qarajatyn EDB-nyń QRUB-daǵy jeke banktik shotyna ornalastyrýdy Memlekettik komıssııa maquldaǵan lımıtter sheginde qamtamasyz etpeı júzege asyrady. EDB kredıt berý valıýtasy – teńge. EDB kredıt berý merzimi – 20 jylǵa deıin. EDB úshin «Damý» KDQ» AQ-dan qarajat tartý mólsherlemesi men ShOK sýbektilerine kredıt berý mólsherlemesi arasyndaǵy aıyrma jyldyq 4,0%-dan aspaýy tıis. EDB-nyń kredıt qarajatyn ıgerý merzimi – qarajat EDB shotyna túsken kúnnen bastap 6 aı. Negizgi borysh pen syıaqyny óteý sharttary men tártibi Kredıttik kelisimde belgilenedi. EDB ornalastyrylǵan kredıt qarajatynyń maqsatty paıdalanylýy men ıgerilýi boıynsha «Damý» KDQ» AQ aldynda esep beredi. EDB esepterin usyný tártibi, nysany men kezeńdiligi, sondaı-aq EDB-ge kredıt berýdiń osy Josparda kózdelmegen ózge de sharttary Kredıttik kelisimde belgilenedi. EDB bólinetin qarajatty ShOK sýbektileriniń qoldanystaǵy ınvestısııalyq kredıtterin alynǵan qarajat somasynyń 50 %-yna deıin qaıta qarjylandyrý maqsatyna jiberedi. Bul talap kásipkerlerdi qarjylaı qoldaý baǵdarlamalaryna («Bıznestiń jol kartasy – 2020» baǵdarlamasy, «Damý О́ndiris» baǵdarlamasy, Qazaqstan Respýblıkasy Qarjy mınıstrligi men «QazAgro» ulttyq basqarýshy holdıngi» AQ Saýyqtyrý baǵdarlamalary) qatysatyn qoldanystaǵy qaryzdarǵa taratylmaıdy. Sońǵy qaryz alýshylardyń tehnıkalyq retteý jáne metrologııa salasyndaǵy ýákiletti organ bekitken ekonomıkalyq qyzmet túrleriniń jalpy jiktemesiniń S seksııasynyń (О́ńdeý ónerkásibi) 10-bólimine (Tamaq ónimderiniń óndirisi) jáne 11-bóliminiń (Sýsyndar óndirisi) 11.06. jáne 11.07-synybyna sáıkes keletin, ekonomıka salasynda iske asyrylatyn jańa jobalaryn qarjylandyrý maqsatyna Bank jiberetin qaryzdardyń úlesi – Kredıt somasynyń keminde 25 %. «Damý» KDQ» AQ bosaǵan kredıt qarajatyn EDB-ǵa qaıtadan kredıt berýge jumsaıdy. Bólingen qarajat maqsatyna saı paıdalanylmaǵan jáne/nemese ýaqtyly paıdalanylǵan jaǵdaıda, sondaı-aq «Damý» KDQ» AQ men EDB arasyndaǵy Kredıttik kelisimde kózdelgen jaǵdaılar oryn alsa, «Damý» KDQ» AQ Kredıttik kelisimderdi merziminen buryn buzady jáne joǵaryda atalǵan buzýshylyqtar anyqtalǵan ornalastyrylǵan qarajatty keri qaıtaryp alady. Bosaǵan jáne keri qaıtaryp alynǵan qarajatty EDB arasynda qaıta bólý jónindegi másele Memlekettik komıssııanyń qaraýyna shyǵarylady. 4. Shaǵyn jáne orta kásipkerlik sýbektilerin qarjylandyrý sharttary Nysanaly top – tehnıkalyq retteý jáne metrologııa salasyndaǵy ýákiletti organ bekitken ekonomıkalyq qyzmet túrleriniń jalpy jiktemesine sáıkes jobalaryn óńdeý ónerkásibinde iske asyratyn ShOK sýbektileri. Mynadaı: 1) aksızdeletin taýarlar shyǵarýdy kózdeıtin jobalardy iske asyratyn; 2) quryltaıshylary ulttyq basqarýshy holdıngter, ulttyq holdıngter, ulttyq kompanııalar jáne aksııalarynyń (jarǵylyq kapıtaldaǵy qatysý úlesteriniń) elý jáne odan kóp paıyzy tikeleı jáne janama túrde memleketke, ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar, sondaı-aq menshik nysany jeke mekeme retinde resimdelgen zańdy tulǵalar bolyp tabylatyn ShOK sýbektileri qatysýshy bola almaıdy. Kredıtter ShOK sýbektilerine maqsatty paıdalaný, aqylylyq, merzimdilik, qaıtarymdylyq jáne qamtamasyz etilý sharttarymen beriledi. Kredıt valıýtasy – teńge. ShOK sýbektilerine kredıt berý maqsaty: 1) negizgi quraldardyń jańalaryn satyp alý, qurý jáne qoldanystaǵylaryn jańǵyrtý; 2) árbir EDB-ge kredıt qarajaty somasynyń 50%-yna deıin qoldanystaǵy ınvestısııalyq kredıtterdi qaıta qarjylandyrý. Basqa sharttar Kredıttik kelisimde aıqyndalady. ShOK Sýbektileri úshin nomınaldy syıaqy mólsherlemesi jyldyq 6,0 %-dan aspaıdy; Bir ShOK Sýbektisine beriletin eń kóp qarjylandyrý lımıti 1 850 000 000 teńge. ShOK Sýbektilerine kredıt berý merzimi – 10 jylǵa deıin. Sońǵy qaryz alýshylardyń tehnıkalyq retteý jáne metrologııa salasyndaǵy ýákiletti organ bekitken ekonomıkalyq qyzmet túrleriniń jalpy jiktemesiniń S seksııasynyń (О́ńdeý ónerkásibi) 10-bólimine (Tamaq ónimderiniń óndirisi) jáne 11-bóliminiń (Sýsyndar óndirisi) 11.06. jáne 11.07.-synybyna sáıkes keletin, ekonomıka salasynda iske asyrylatyn jańa jobalaryn qarjylandyrý maqsatyna Bank jiberetin qaryzdardyń úlesi – kredıt somasynyń keminde 25 (jıyrma bes) %-y. 5. Ekinshi deńgeıdegi bankterge qoıylatyn talaptar Halyqaralyq reıtıng agenttigi bergen kredıt reıtınginiń «V-» tómen bolmaýy. Qazaqstan Respýblıkasynyń keminde 5 óńirinde fılıaldar jelisiniń bolýy. Qarajat berilgen kúni jumys istemeı turǵan kredıtteriniń deńgeıi 15 %-dan joǵary EDB úshin QRUB-men jeke kelisim jasasý talaby qosymsha belgilenedi. Jeke kelisimde EDB-nyń jumys istemeı turǵan kredıtter deńgeıin QRUB belgilegen merzimde 15 %-ǵa deıin tómendetý mindeti kózdeletin bolady. EDB jeke kelisimniń sharttaryn oryndamaǵan jaǵdaıda, qarajatty «Damý» KDQ» AQ-ǵa qaıtarý kózdeledi. 6. Memlekettik qoldaýdyń qosymsha sharalary Osy Jospar sheńberinde qarajat alatyn ShOK sýbektileriniń jańa jobalaryn qarjylandyrýdy yntalandyrý úshin «Damý» KDQ» AQ «Bıznestiń jol kartasy 2020» baǵdarlamasy aıasyndaǵy jańa jobalar boıynsha kredıt somasynyń 10 %-ynan 20 %-yna deıingi mólsherde kredıtterge mindetti túrde kepildik berý tetigin qoldana alady. 7. Monıtorıng «Damý» KDQ» AQ: 1) EDB-nyń qarajatty maqsatty paıdalanylýy men ýaqtyly ıgerilýine; 2) ShOK sýbektileri alǵan qarajattyń maqsatty paıdalanylýyna monıtorıngti júzege asyrady. «Damý» KDQ» AQ osy Jospardy iske asyrýǵa qatysatyn EDB-nyń qarjy-ekonomıkalyq jaǵdaıyn taldaýdy turaqty túrde júzege asyratyn bolady. EDB «Damý» KDQ» AQ-ǵa turaqty túrde qarajattyń ıgerilýi týraly esep jiberip turady, esep berý nysany men merzimderi tıisti Kredıttik kelisimde kórsetiledi. EDB qarjylandyrylǵan ShOK sýbektilerine monıtorıng júrgizedi. Bul rette ShOK sýbektisiniń qarjylandyrylǵan árbir jobasy boıynsha jeke kredıt dosesi júrgiziledi, onda ShOK sýbektisiniń qarajatty maqsatty paıdalanǵanyn rastaıtyn qujattar saqtalýy tıis. «Damý» KDQ» AQ Jospar sheńberinde bólinetin qarajat boıynsha EDB tólem tártibin qadaǵalaıtyn bolady. «Damý» KDQ» AQ Qazaqstan Respýblıkasynyń Ulttyq qorynan bólingen qarajattyń jumsalýyn baqylaýdy júzege asyratyn ýákiletti organǵa qarajattyń ıgerilýi týraly aqparat beredi. Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl josparyna 1-qosymsha «Báıterek» ulttyq basqarýshy holdıngi» aksıonerlik qoǵamy men «Damý» kásipkerlikti damytý qory» aksıonerlik qoǵamy arasyndaǵy Qazaqstan Respýblıkasy Ulttyq qorynyń qarajatyn ornalastyrý týraly kredıt sharty Astana q. 2014 jylǵy « __» ________ Budan ári «kredıtor» dep atalatyn «Báıterek» ulttyq basqarýshy holdıngi» aksıonerlik qoǵamy atynan ____________ negizinde áreket etetin ______________ jáne budan ári «qaryz alýshy» dep atalatyn «Damý» kásipkerlikti damytý qory» aksıonerlik qoǵamy atynan ____________ negizinde áreket etetin ______________, budan ári birlesip «Taraptar», jeke alǵanda joǵaryda kórsetilgendeı nemese «Tarap» dep atalatyndar tómendegiler jóninde osy Kredıt shartyn (budan ári – Shart) jasasty. 1. Sharttyń máni 1. Kredıtor osy Shart talaptaryna sáıkes Shartta kózdelgen talaptarda jáne tártippen qaryz alýshyǵa Qazaqstan Respýblıkasy Ulttyq qorynyń qarajatynan kredıt qarajatyn (budan ári – kredıt) beredi. 2. Shart jasasý negizderi 1. Shart jasasý men iske asyrý úshin mynalar negiz bolyp tabylady: 1) Qazaqstan Respýblıkasynyń Ulttyq qoryn basqarý jónindegi keńes otyrysynyń 2014 jylǵy «___» ________ № ___ hattamasy; 2) Qazaqstan Respýblıkasynyń Ekonomıkany jańǵyrtý máseleleri jónindegi memlekettik komıssııasy otyrysynyń 2014 jylǵy «___» ________ № ___ hattamasy; 3) kredıtordyń Dırektorlar keńesi otyrysynyń 2014 jylǵy «___» __________sheshimi (№ ___ hattama); 4) kredıtordyń Basqarma otyrysynyń «___» __________ sheshimi (№ ___ hattama); 5) qaryz alýshynyń Dırektorlar keńesi otyrysynyń 2014 jylǵy «___» __________sheshimi (№ ___ hattama); 6) qaryz alýshynyń Basqarma otyrysynyń 2014 jylǵy «___» __________ sheshimi (№ ___ hattama). 3. Kredıttiń negizgi sharttary 1. Kredıt mynadaı sharttarmen beriledi: 1) Kredıt somasy – 100 (júz) mıllıard teńge; 2) Kredıt merzimi – «____ » __________ j. deıin; 3) syıaqy mólsherlemesi – jyldyq 0,15 % (nól bútin júzden on bes paıyz); 4) Kredıt valıýtasy – teńge; 5) Kredıttiń nysanaly maqsaty – óńdeý ónerkásibiniń shaǵyn jáne orta kásipkerlik sýbektilerine keıinnen kredıt berý úshin ekinshi deńgeıdegi bankterde qaryz alýshy arqyly qarajatty shartty túrde ornalastyrý; 6) negizgi boryshty tóleý – kredıt merziminiń sońynda; 7) syıaqy tóleý – syıaqy tóleýdiń alǵashqy merzimi: ____jylǵy «____» __________ . Odan keıin syıaqy tóleý: Sharttyń osy tarmaqshasynda qarastyrylǵan birinshi tólem ýaqytynan bastap jartyjyldyq tólemdermen. Syıaqy tóleý kúni jumys istemeıtin kúnge kelse, onda tólem jumys istemeıtin kúnnen keıingi birinshi jumys kúni júzege asyrylady. Shartta anyqtalǵan mólsherleme boıynsha syıaqy esepteý qaryz alýshynyń arnaıy shotyna túsken kúninen bastap negizgi borysh tolyq ótelgen kúnge deıin kredıt boıynsha negizgi borysh somasyna júzege asyrylady. Negizgi boryshtyń búkil somasy kredıtordyń arnaıy shotyna túsken kún negizgi boryshtyń tolyq ótelgen kúni bolyp esepteledi. Syıaqy bir jyldaǵy 360 (úsh júz alpys) jáne aıyna 30 (otyz) kún esebinen esepteledi. Qazaqstan Respýblıkasynyń Salyq zańnamasynda qarastyrylǵan jaǵdaılardy qospaǵanda, kredıtorǵa tólenetin syıaqydan tólem kúninde qoldanystaǵy syıaqy boıynsha tólem kózinen korporatıvtik tabys salyǵy ustalady. Bul rette, syıaqy tólegen kezde tólem tapsyrmasynda tólem kózinen ustalatyn korporatıvtik tabys salyǵynyń somasyn kórsetý qajet, sondaı-aq toqsan saıyn, esepti toqsannan keıingi aıdyń onynshy kúninen keshiktirmeı, ár aıǵa bóle otyryp, kredıtorǵa tólem kózinen ustalatyn korporatıvtik tabys salyǵynyń ustalǵany jáne tólengeni týraly anyqtama berý qajet: 8) qamtamasyz etý – qamtamasyz etilmeıdi; 9) tólemderdi qabyldaý rettiligi mynadaı kezektilikpen: turaqsyzdyq aıyby (aıyppuldar, ósimpuldar); Shartty oryndaýmen baılanysty jáne qaryz alýshy óteýge tıisti shyǵystar somalary jáne kredıtor shekken shyǵyndardyń somalary; eseptelgen syıaqy; Kredıt boıynsha negizgi boryshty óteý; 10) qaryz alýshynyń bastamasy boıynsha merzimnen buryn óteýge shekteý (moratorıı) – kredıt berilgen kúninen bastap 20 (jıyrma) jyl. 4. Kredıt berý jáne qaıtarý tártibi 1. Kredıt berý Shart kúshine engizilgen kúninen bastap __ (___) jumys kúni ishinde júzege asyrylady. 2. Kredıt berý qaryz alýshynyń Qazaqstan Respýblıkasynyń Ulttyq Bankinde ashylǵan № _____________arnaıy banktik shotyna (Shart mátini boıynsha – qaryz alýshynyń arnaıy shoty) aýdarý arqyly júzege asyrylady. 3. Qaryz alýshy kredıtti qaıtarýdy jáne syıaqy tóleýdi kredıtordyń Qazaqstan Respýblıkasynyń Ulttyq Bankinde ashylǵan № _____________ arnaıy shotyna (Shart mátini boıynsha – kredıtordyń arnaıy shoty) aqsha aýdarý arqyly júrgizedi. 4. Qaryz alýshy kredıt boıynsha negizgi boryshty qaıtarý, syıaqyny, turaqsyzdyqty (aıypul, ósimpul) jáne Kelisimshartta qarastyrylǵan ózge de tólemderdi tóleý jónindegi óziniń mindettemelerin tolyq kólemde oryndaǵan kezde kredıt óteldi dep esepteledi. 5. Taraptardyń quqyqtary men mindetteri 1. Kredıtor: 1) qaryz alýshydan kredıtti ıgerý, maqsatty paıdalaný, qyzmet etý jáne qaıtarý týraly aqparatty suraýǵa jáne alýǵa, sondaı-aq qajetti tekserister júrgizýge; 2) qaryz alýshy kredıt boıynsha negizgi boryshty qaıtarý jáne syıaqy tóleý jónindegi mindettemelerin buzǵan jaǵdaıda, Shartqa sáıkes qaıtarý boıynsha tólem júzege asyrylýy tıis kúnnen bastap 3 (úsh) jumys kúninen keıin, sondaı-aq qaryz alýshy kredıtti maqsatty paıdalaný jónindegi mindettemelerin buzǵan jaǵdaıda (osyndaı buzýshylyq anyqtalǵan kúnnen bastap kez kelgen ýaqytta): Qaryz alýshy alǵan kredıtti eseptelgen syıaqymen birge merziminen buryn óteýdi, Shartta qarastyrylǵan turaqsyzdyq aıybynyń jáne keltirilgen shyǵyndar men ózge tólemderdi tóleýdi qaryz alýshydan talap etýge; Qaryz alýshynyń Qazaqstan Respýblıkasynyń aýmaǵyndaǵy jáne odan tys jerlerdegi kez kelgen bankterde (qarjylyq, kredıttik uıymdar men mekemelerde) ashylǵan banktik shottaryna qaryz alýshynyń akseptin talap etetin tólem tapsyrmalaryn (sharttyń notarıat kýálandyrǵan kóshirmesin nemese ózge de qujattardy qosa bere otyryp) berý jolymen qaryz alýshynyń merzimi ótken bereshekteriniń barlyq somasyn talap etýge. Qaryz alýshynyń banktik shotyndaǵy aqsha jetkilikti bolǵan jaǵdaıda, kredıtordyń tólem qujaty onda kórsetilgen aqsha somasyna oryndalýǵa tıis, al aqsha jetkiliksiz bolǵan jaǵdaıda – qaryz alýshynyń banktik shotynyń kartotekasynda saqtalýǵa tıis. Aqshany basqa valıýtada (kredıt valıýtasynan basqa) alǵan jaǵdaıda, alynǵan aqshany kredıt valıýtasyna aıyrbastaý qaryz alýshynyń esebinen júrgiziledi; Kredıtti maqsatty paıdalanbaǵany úshin (maqsatty paıdalanbaý anyqtalǵan kezde) Shartta kózdelgen aıyppuldy tóleýdi talap etýge; Shartta jáne Qazaqstan Respýblıkasynyń zańnamasynda kózdelgen ózge de kez kelgen is-qımyldardy júzege asyrýǵa; 3) qaryz alýshy osy baptyń 4-tarmaǵynyń 3), 5), 8), 11), 13), 14) jáne 15) tarmaqshalarynda qarastyrylǵan mindetterdi oryndamaǵan nemese tıisinshe oryndamaǵan kezde qaryz alýshydan syıaqylardy jáne Shart boıynsha kredıtorǵa tıesili ózge de somalardy tólep, berilgen kredıtti merziminen buryn qaıtarýdy jáne/nemese Shartty merziminen buryn buzýdy talap etýge; 4) qaryz alýshy Sharttyń 5-babynyń 4-tarmaǵynyń 4), 6), 9), 10) jáne 16) tarmaqshalarynda qarastyrylǵan mindetterdi oryndamaǵan nemese tıisinshe oryndamaǵan kezde qaryz alýshydan Shartta qarastyrylǵan turaqsyzdyq aıybyn (aıyppul) tóleýdi talap etýge quqyly. 2. Kredıtor: 1) Shart talaptaryna sáıkes Qazaqstan Respýblıkasynyń qoldanystaǵy zańnamasyna jáne Shartqa sáıkes qaryz alýshynyń banktik jáne kommersııalyq qupııasy bolyp tabylatyn jáne Shart talaptaryna sáıkes qaryz alýshy usynatyn aqparatta qamtylatyn málimetterdiń qupııalyǵyn saqtaýǵa; 2) Shartta kórsetilgen merzimnen keshiktirmeı qaryz alýshynyń shotyna kredıttiń aýdarylýyn qamtamasyz etýge mindettenedi. 3. Qaryz alýshy: 1) kredıtordan Shart talaptaryn tolyq, naqty jáne ýaqtyly oryndaýǵa qajetti aqparatty suraýǵa jáne alýǵa; 2) Shartta kórsetilgen merzimde kredıt alýǵa; 3) Kelisimshartta jáne Qazaqstan Respýblıkasynyń zańnamasynda qarastyrylǵan basqa da quqyqtaryn júzege asyrýǵa quqyly. 4. Qaryz alýshy: 1) Shartqa sáıkes kredıtor aldyndaǵy mindettemelerdiń oryndalýyn júzege asyrýǵa; 2) tolyq kólemde jáne Shartta belgilengen merzimde kredıtti qaıtarýǵa jáne syıaqy tóleýge; 3) osy baptyń 1-tarmaǵynyń 2) jáne 3) tarmaqshalarynda kózdelgen jaǵdaıda, kredıtor tıisti habarlama jibergen kúninen bastap 30 (otyz) jumys kúni ishinde kredıt somasyn, eseptelgen syıaqyny jáne Shart talaptary boıynsha kredıtorǵa tıesili ózge de somalardy qaıtarýǵa; 4) Kredıtordyń ókilderin maqsatty tekserýler júrgizý úshin jumys ýaqytynda qyzmettik jáne basqa úı-jaılarǵa kirgizýge jáne osyndaı tekserýler barysynda jan-jaqty kómek kórsetýge; 5) Sharttyń qoldanylý merzimi aıaqtalǵanǵa deıin osy Shart boıynsha quqyqtary men mindetterin úshinshi tulǵalarǵa bermeýge jáne tabys etpeýge; 6) kredıtor belgilegen merzimde Shart talaptaryna sáıkes ol talap etetin aqparatty jáne qujattardy, onyń ishinde kredıttiń maqsatty paıdalanylýy týraly esepti qosa alǵanda, biraq onymen shektelmeı berýge; 7) kredıtti Shartta qarastyrylǵan nysanaly maqsaty boıynsha paıdalanýǵa; 8) kredıt qarajatyn depozıtte (salym úshin) ornalastyrmaýǵa, qandaı da bolmasyn qarjy quraldaryna jáne/nemese olarmen jasalatyn operasııalarǵa ınvestısııalamaýǵa, shetel valıýtasyn satyp alý úshin valıýta naryǵyna baǵyttamaýǵa, sondaı-aq ekinshi deńgeıdegi bankter tarapynan osy tarmaqshanyń oryndalýyn qamtamasyz etýge; 9) Shartqa qol qoıylǵan kúninen bastap 5 (bes) jumys kúni ishinde kredıtorǵa Qazaqstan Respýblıkasynyń aýmaǵyndaǵy jáne odan tys jerlerdegi kez kelgen bankterdegi (qarjylyq, kredıttik uıymdar men mekemelerdegi) qaryz alýshynyń barlyq banktik shottarynyń tizbesin, sondaı-aq olardyń aldyndaǵy qaryz alýshynyń bereshekteriniń bar-joǵy jáne mólsheri týraly málimetterdi berýge; 10) Qazaqstan Respýblıkasynyń aýmaǵyndaǵy jáne odan tys jerlerdegi kez kelgen bankterde (qarjylyq, kredıttik uıymdar men mekemelerde) jańa banktik shot ashqan kúnnen bastap 5 (bes) jumys kúni ishinde kredıtorǵa: banktik shot ashylǵan banktiń (qarjylyq, kredıttik uıymdar men mekemelerdiń) ataýy, shot nómiri, BSK, shot valıýtasy týraly jazbasha málimetter berýge; 11) qaryz alýshynyń Shart boıynsha óz mindettemelerin buzýy nátıjesinde kredıtor naqty shekken jáne qujattamamen rastalǵan shyǵyndardy óteýge; 12) kredıtti paıdalanýǵa baılanysty úshinshi tulǵalarmen jasalatyn sharttarǵa berilgen/aýdarylǵan aqsha somalary týraly málimetterdi qosa alǵanda, biraq onymen shektelmeı, banktik, kommersııalyq jáne zańmen qorǵalatyn ózge de qupııany quraıtyn málimetter men shart boıynsha mindettemelerdiń oryndalǵany týraly málimetterdi kredıtorǵa, sondaı-aq kez kelgen ýákiletti memlekettik organdar men uıymdarǵa ashýǵa ekinshi taraptyń kelisim berýi týraly ereje engizýge; 13) kredıt qarajatyn paıdalaný kezinde olardy qolma-qol aqshaǵa aınaldyrýǵa jol bermeýge, onyń ishinde konsaltıngtik kórsetiletin qyzmetterdi jáne offshorlyq kompanııalarǵa aýdarymdardy boldyrmaýǵa; 14) Shart qoldanylatyn búkil merzim ishinde kredıt qarajaty esebinen kez kelgen aqsha aýdarymdaryn qaryz alýshynyń arnaıy shoty arqyly ǵana júzege asyrýdy qamtamasyz etýge, sondaı-aq qaryz alýshynyń arnaıy shotyna kredıt qarajaty men Shart boıynsha Qaryz alýshynyń mindettemelerin oryndaýǵa arnalǵan aqshadan basqa, kez kelgen ózge aqsha qarajatynyń aýdarylýyna jol bermeýge; 15) kredıtti ekinshi deńgeıdegi bankter tarapynan basqa qarjy quraldaryna aınaldyrýdy qosa alǵanda, ony kez kelgen qaıta qurylymdaýdy boldyrmaýdy qamtamasyz etýge; 16) Shart talaptaryn múltiksiz oryndaýǵa, sondaı-aq aqsha qarajatyn alǵan ekinshi deńgeıdegi bankterdiń ony nysanaly maqsaty boıynsha paıdalanýyn qamtasyz etýge mindettenedi. 6. Taraptardyń jaýapkershiligi 1. Qaryz alýshy kredıt somasyn jáne eseptelgen syıaqyny Shartta belgilengen merzimde jáne talaptarǵa sáıkes qaıtarý boıynsha mindettemelerdi buzǵan jaǵdaıda, kredıtor qaryz alýshydan kredıtorǵa merzimi ótken árbir kún úshin merzimi ótken bereshek somasynyń 0,1 % (nól bútin onnan bir paıyzy) mólsherinde, biraq kredıt boıynsha negizgi borysh somasynyń 10 % (on paıyzynan) aspaıtyn mólsherde ósimpul tóleýdi talap etýge quqyly. 2. Kredıttiń maqsatty paıdalanalýy buzylǵan jaǵdaıda, kredıtor qaryz alýshydan Kredıttiń maqsatsyz paıdalanylǵan somasyn (bóligin) merzimnen buryn qaıtarýdy jáne (nemese) maqsatsyz paıdalanylǵan somanyń 10 % (on paıyzy) mólsherinde turaqsyzdyq aıybyn (aıyppul) tóleýdi talap etýge quqyly. 3. Sharttyń 5-baby 4-tarmaǵynyń 8) tarmaqshasynda kózdelgen tyıymdar buzylǵan jaǵdaıda, kredıtor qaryz alýshydan kredıt somasyn merziminen buryn qaıtarýdy jáne (nemese) Sharttyń 5-baby 4-tarmaǵynyń 8) tarmaqshasynda tyıym salynǵan maqsattarǵa jumsalǵan qarajat somasynyń 10 % (on paıyzy) mólsherinde turaqsyzdyq aıybyn (aıyppul) tóleýdi talap etýge quqyly. 4. Qaryz alýshy Sharttyń 5-baby 4-tarmaǵynyń 4), 6), 9), 10), 16) tarmaqshalarynda qarastyrylǵan mindettemelerdi buzǵan jaǵdaıda, kredıtor qaryz alýshydan mindettemelerdi buzýdyń árbir faktisi úshin kredıt somasynyń 0,0001 % (nól bútin on myńnan bir paıyzy) mólsherinde turaqsyzdyq aıybyn (aıyppul) tóleýdi talap etýge quqyly. 5. Sharttyń ózge de talaptary oryndalmaǵan nemese tıisinshe oryndalmaǵan jaǵdaıda, Taraptar Qazaqstan Respýblıkasynyń zańnamasyna sáıkes jaýapty bolady. 6. Shart boıynsha mindettemeler oryndamaǵan nemese tıisinshe oryndalmaǵan jaǵdaıda, turaqsyzdyq aıybyn (ósimpul, aıyppul) tóleý jáne shyǵyndardyń ornyn toltyrý qaryz alýshyny buzǵan mindettemesin tıisinshe oryndaý mindetinen bosatpaıdy. 7. Eńserilmeıtin kúsh mán-jaılary 1. Eger Shart boıynsha mindettemelerin oryndamaý Shart jasalǵan soń Taraptar aldyn ala boljaı almaıtyn, oıǵa qonymdy sharalarmen aldyn alýǵa bolmaıtyn tótenshe sıpattaǵy oqıǵalar nátıjesinde oryn alǵan eńserilmeıtin kúsh mán-jaılarynyń saldary bolsa, Qazaqstan Respýblıkasynyń zańnamasyna sáıkes osy baptyń 4 jáne 5-tarmaqtaryna sáıkes osy mán-jaılardyń áreket etý merzimine Taraptar mindettemelerin ishinara nemese tolyq oryndamaǵany úshin jaýapkershilikten bosatylady. 2. Eńserilmeıtin kúsh mán-jaılary oryn alǵan jaǵdaıda, Shart boıynsha mindettemelerdi oryndaý merzimi osyndaı jaǵdaılar men saldary sozylatyn ýaqytqa teń merzimge keıinge shegeriledi. 3. Eńserilmeıtin kúsh mán-jaılaryna Taraptar yqpal ete almaıtyn jáne olardyń týyndaǵany úshin jaýapty bolmaıtyn oqıǵalar jatady. 4. Osyndaı mán-jaılarǵa silteme jasaǵan Tarap 5 (bes) jumys kúni ishinde ekinshi Tarapty osyndaı mán-jaılardyń oryn alǵany týraly jazbasha túrde habardar etýge mindetti. Ekinshi Taraptyń talap etýi boıynsha mundaı mán-jaılardyń bastalǵan soń quzyretti organ bergen kýálandyratyn qujat kórsetilýi tıis. 5. Tarap 5 (bes) jumys kúni ishinde Shart boıynsha mindettemelerin oryndaýdyń mejelengen merzimin kórsete otyryp, mundaı mán-jaılardyń áreket etýiniń toqtaǵany týraly jazbasha túrde habarlaýǵa mindetti. 8. Daýlardy sheshý 1. Taraptar Shart talaptaryn oryndaý barysynda ózderiniń aralarynda týyndaýy múmkin barlyq daýlar men kelispeýshilikterdi kelissózder júrgizý jolymen sheshýge mindettenedi. 2. Eger kelissózder bastalǵannan keıin 30 (otyz) jumys kúni ishinde Taraptar Shartqa qatysty daýdy sheshe almasa, Taraptardyń kez kelgeni bul máseleni Qazaqstan Respýblıkasynyń zańnamasynda belgilengen sot tártibimen sheshýdi talap ete alady. 3. Daýlar men kelispeýshilikterdiń oryn alýy Taraptardy Shart boıynsha mindettemelerin oryndaýdan bosatpaıdy. 9. Qupııalylyq 1. Taraptar Sharttyń jáne oǵan qosymsha kelisimderdiń talaptaryn ózderiniń oryndaýy nátıjesinde eki Tarap ta alǵan qarjylyq, kommersııalyq jáne ózge aqparattyń qupııalylyǵyn qatań saqtaýǵa jáne olardyń jarııa etilýin boldyrmaý úshin qajetti barlyq yqtımal sharalardy qabyldaýǵa mindetti. 2. Joǵaryda kórsetilgen aqparatty úshinshi tulǵalarǵa berýdi, aqparatty jarııalaý nemese ózge túrde jarııa etýdi Taraptardyń biri tek mundaı berý talaptaryn ekinshi Tarappen aldyn ala jazbasha keliskennen keıin ǵana júzege asyrady. 3. Osy bapta kózdelgen qupııalylyq (jáne Qazaqstan Respýblıkasynyń zańnamasyna sáıkes banktik qupııa) týraly erejeler mynadaı jaǵdaılarda qoldanylmaıdy: 1) Shart boıynsha qaryz alýshynyń bereshekterin óteý úshin qaryz alýshynyń barlyq banktik shottarynan kredıtordyń akseptisiz aqsha alýy jáne osyǵan baılanysty ózge bankterge (qarjylyq, kredıttik uıymdar men mekemelerge) qajetti aqparat berýi; 2) kapıtaldyń ishki jáne syrtqy naryqtarynda qaryz alýdy iske asyrý maqsatynda, onyń ishinde reıtıngiler alý úshin kredıtordyń úshinshi tulǵalarǵa qajetti aqparat berýi; 3) berilgen saýaldar sheńberinde Kredıtordyń Qazaqstan Respýblıkasynyń Parlamentine, ýákiletti memlekettik organdar men uıymdarǵa, Kredıtordyń aksıonerine Kredıt boıynsha qajetti aqparat berýi. 10. Qorytyndy erejeler 1. Shart Taraptardyń ýákiletti ókilderi oǵan qol qoıyp, mór bederleri basylǵan kúninen bastap kúshine enedi jáne Taraptar Shart boıynsha ózderiniń barlyq mindettemelerin tolyq oryndaǵanǵa deıin áreket etedi. 2. Osy Shart Taraptardyń árqaısysyna 1 (bir) danadan birdeı zańdy kúshi bar birdeı 2 (eki) danada memlekettik jáne orys tilderinde jasaldy. 3. Osy Shartqa ózgerister men tolyqtyrýlar mórlerdiń bederlerin qoıa otyryp, Taraptardyń ýákiletti ókilderi qol qoıǵan Taraptardyń jazbasha qosymsha kelisimderimen resimdeledi. 4. Eger Qazaqstan Respýblıkasynyń zańnamasyna ózgerister engizilgen jaǵdaıda, Sharttyń qandaı da bir tarmaǵy Qazaqstan Respýblıkasynyń zańnamasyna qaıshy kelse, mundaı qaıshylyq Sharttyń ózi jaramsyz degendi bildirmeıdi. Mundaı qaıshylyq Taraptar arasyndaǵy qosymsha kelisim arqyly joıylady. 5. Osy Sharttyń talaptary men mindettemelerin oryndaýdan Taraptardyń birjaqty bas tartýyna jol berilmeıdi. 6. Taraptardyń biriniń derektemeleri ózgergen jaǵdaıda, sońǵysy bul týraly ekinshi Tarapty 3 (úsh) jumys kúni ishinde jazbasha habardar etedi. 11. Taraptardyń mekenjaılary, derektemeleri jáne qoldary kredıtor: qaryz alýshy: «Báıterek» ulttyq basqarýshy «Damý» kásipkerlikti damytý holdıngi» aksıonerlik qoǵamy qory» aksıonerlik qoǵamy ________________ ________________ m.o. m.o. Qazaqstan Respýblıkasynyń Úkimeti men Qazaqstan Respýblıkasy Ulttyq Bankiniń óńdeý ónerkásibindegi shaǵyn jáne orta kásipkerlik jobalaryn qarjylandyrýdy qamtamasyz etý jónindegi birlesken is-qımyl josparyna 2-qosymsha «Damý» kásipkerlikti damytý qory» aksıonerlik qoǵamy men ekinshi deńgeıdegi bankter arasyndaǵy óńdeý ónerkásibi salasyndaǵy shaǵyn jáne orta kásipkerlik sýbektilerine keıinnen kredıt berý úshin qarajatty ekinshi deńgeıdegi bankterge ornalastyrý týraly kredıttik kelisim Budan ári «Qor» dep atalatyn «Damý» kásipkerlikti damytý qory» aksıonerlik qoǵamy atynan ________ negizinde áreket etetin ________________ jáne budan ári «Bank» dep atalatyn, «________» aksıonerlik qoǵamy atynan ________ negizinde áreket etetin ________________, birlesip «Taraptar», al árqaısysy jeke «Tarap» dep atalyp, óńdeý ónerkásibi salasyndaǵy shaǵyn jáne orta kásipkerlik sýbektilerin qoldaý maqsatyn basshylyqqa ala otyryp, osy «Damý» kásipkerlikti damytý qory» aksıonerlik qoǵamy men ekinshi deńgeıdegi bankter arasyndaǵy óńdeý ónerkásibi salasyndaǵy shaǵyn jáne orta kásipkerlik sýbektilerine keıinnen kredıt berý úshin qarajatty ekinshi deńgeıdegi bankterge ornalastyrý týraly № ___ kredıttik kelisimdi (budan ári – Kelisim) jasasty. 1. Kelisimde paıdalanylatyn anyqtamalar men uǵymdar Osy Kelisimde mynadaı anyqtamalar men uǵymdar paıdalanylady: QR UB – Qazaqstan Respýblıkasynyń Ulttyq Banki; sońǵy qaryz alýshy – «Jeke kásipkerlik týraly» Qazaqstan Respýblıkasynyń Zańynda belgilengen ólshemderge sáıkes aıqyndalatyn jáne óz Jobasyn osy Kelisimge 1-qosymshaǵa sáıkes óńdeý ónerkásibi salasynda iske asyratyn shaǵyn jáne/nemese orta kásipkerlik sýbektisi. Bul rette aksızdeletin taýarlar shyǵarýdy kózdeıtin jobalardy iske asyratyn jáne quryltaıshylary ulttyq basqarýshy holdıngter, ulttyq holdıngter, ulttyq kompanııalar jáne aksııalarynyń (jarǵylyq kapıtaldaǵy qatysý úlesteriniń) elý jáne odan kóp paıyzy tikeleı jáne janama túrde memleketke, ulttyq basqarýshy holdıngke, ulttyq holdıngke, ulttyq kompanııaǵa tıesili uıymdar, sondaı-aq menshik nysany jeke mekeme retinde resimdelgen zańdy tulǵalar bolyp tabylatyn shaǵyn jáne/nemese orta kásipkerlik sýbektileri sońǵy qaryz alýshy bola almaıdy; banktik qaryz sharty – sońǵy qaryz alýshyǵa osy Kelisimde aıqyndalǵan maqsat úshin kredıt qarajaty esebinen qaryz berý úshin Bank pen Sońǵy qaryz alýshy arasynda jasalatyn jazbasha kelisim; kredıt – osy Kelisim negizinde Qor Bankke beretin aqsha somasy; qaryz – Banktik qaryz shartynyń talaptaryna sáıkes sońǵy qaryz alýshyǵa Bank beretin aqsha somasy; kredıtti ıgerý – Banktiń sońǵy qaryz alýshylardyń jobalaryn osy Kelisimde aıqyndalǵan talaptarda kredıttiń búkil somasyna qarjyl