Qazaqstan Respýblıkasy Úkimetiniń qaýlysy №356

2014 jylǵy 16 sáýir,  Astana, Úkimet Úıi Shekaralyq beldeýdiń, karantındik beldeýdiń jáne shekaralyq aımaqtyń shekterin belgileý týraly 2003 jylǵy 20 maýsymdaǵy Qazaqstan Respýblıkasy Jer kodeksiniń 120-babyna jáne «Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańy 55-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Mynadaı: 1) Memlekettik shekaraǵa shektesip jatqan: Qytaı Halyq Respýblıkasymen – eni eki myń metr; Reseı Federasııasymen, Qyrǵyz Respýblıkasymen, О́zbekstan Respýblıkasymen jáne Túrikmenstanmen – eni júz metr; Qazaqstan Respýblıkasy Ulttyq qaýipsizdik komıtetiniń Shekara qyzmeti tikeleı Memlekettik shekaranyń boıynda ınjenerlik qurylystar men bógeýishterdiń shebin jabdyqtaǵan kórsetilgen ýchaskelerde kórsetilgen sheptiń shekarasyna deıingi shekaralyq beldeýdiń; 2) eni elý metrge deıin, biraq otyz metrden kem emes shekaralyq beldeý shegindegi karantındik beldeýdiń; 3) mynadaı: Qytaı Halyq Respýblıkasymen – shekaralyq beldeýge tikeleı shektesip jatqan Qazaqstan Respýblıkasynyń ákimshilik-aýmaqtyq birlikteriniń (aýdandary) aýmaqtary shegindegi; Reseı Federasııasymen, Qyrǵyz Respýblıkasymen, О́zbekstan Respýblıkasymen jáne Túrikmenstanmen – shekaralyq beldeýge tikeleı shektesip jatqan Qazaqstan Respýblıkasynyń ákimshilik-aýmaqtyq birlikteri aýmaǵynyń jıyrma bes kılometr shegindegi; Kaspıı teńiziniń jaǵalaýy boıynsha – jaǵalaýdyń qumdy qaırańyna tikeleı shektesip jatqan aýmaǵynyń jıyrma bes kılometr shegindegi shekaralyq aımaqtyń shekteri belgilensin. 2. Mynalardyń kúshi joıyldy dep tanylsyn: 1) «Qazaqstan Respýblıkasynyń memlekettik shekarasy týraly» Qazaqstan Respýblıkasy Zańynyń oryndalýyn qamtamasyz etý jónindegi sharalar týraly» Qazaqstan Respýblıkasy Mınıstrler Kabınetiniń 1993 jylǵy 30 maýsymdaǵy №552 qaýlysy (Qazaqstan Respýblıkasynyń PÚAJ-y, 1993 j., № 25, 306-qujat); 2) «Qazaqstan Respýblıkasynyń Memlekettik shekarasyn kúzetý men qorǵaýdy qamtamasyz etýdiń keıbir máseleleri týraly» Qazaqstan Respýblıkasy Úkimetiniń 2005 jylǵy 22 shildedegi .№771 qaýlysynyń (Qazaqstan Respýblıkasynyń PÚAJ-y, 2005 j., №31, 409-qujat) 1, 4-tarmaqtary; 3) «Qazaqstan Respýblıkasy Úkimetiniń keıbir sheshimderine ózgertýler engizý jáne kúshi joıylǵan dep taný týraly» Qazaqstan Respýblıkasy Úkimetiniń 1996 jylǵy 17 mamyrdaǵy №609 qaýlysymen bekitilgen Qazaqstan Respýblıkasy Úkimetiniń sheshimderine engiziletin ózgertýlerdiń (Qazaqstan Respýblıkasynyń PÚAJ-y, 1996 j., № 28, 190-qujat) 3-tarmaǵy. 3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.