«Men elimizdiń saıası, áleýmettik, quqyqtyq, jáne basqa da mańyzdy júıelerin túbegeıli jańǵyrtý úshin aýqymdy reforma júrgizdim. Bul reformalar halyqtyń turmysyn túzeýge, ár adamnyń quqyǵyn tolyq qorǵaýǵa, demokratııalyq úderisterdi jedel júrgizýge baǵyttalǵan. Bir sózben aıtqanda, barlyǵy tek halyq úshin jasalyp jatyr», dedi Prezıdent.
Sondaı-aq ol bul jumystardyń memlekettiligimizdi nyǵaıtýǵa arnalǵanyn da jetkizdi.
«Jalpy, kóp jumys atqaryldy dep aıtýǵa bolady. Biraq bul – kúrdeli joldyń basy ǵana. Sondyqtan biz «Halyq únine qulaq asatyn memleket» tujyrymdamasyn basshylyqqa alyp, ádil qoǵam qurýǵa kiristik. Saıası reformanyń tórt toptamasyn júzege asyrdyq», dedi Qasym-Jomart Kemeluly.
