Qazaqstan Respýblıkasy Úkimetiniń qaýlysy №376

2014 jylǵy 18 sáýir,   Astana, Úkimet Úıi «Elektr energııasynyń teńgerimdeýshi naryǵynyń jumys isteýi qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 29 qarashadaǵy №1508 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Elektr energııasynyń teńgerimdeýshi naryǵynyń jumys isteýi qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 29 qarashadaǵy № 1508 qaýlysyna (Qazaqstan Respýblıkasynyń PÚAJ-y, 2013 j., № 1, 17-qujat) mynadaı ózgerister men tolyqtyrý engizilsin: kórsetilgen qaýlymen bekitilgen Elektr energııasynyń teńgerimdeýshi naryǵynyń jumys isteýi qaǵıdalarynda: 2-tarmaq mynadaı mazmundaǵy 10-1) tarmaqshamen tolyqtyrylsyn: «10-1) jańartylatyn energııa kózderin qoldaý jónindegi esep aıyrysý- qarjy ortalyǵy (budan ári – esep aıyrysý-qarjy ortalyǵy) – júıelik operator quratyn jáne Qazaqstan Respýblıkasynyń Úkimeti aıqyndaıtyn, jańartylatyn energııa kózderin paıdalaný jónindegi obektiler óndirgen jáne Qazaqstan Respýblıkasynyń biryńǵaı elektr energetıkasy júıesiniń elektr jelilerine berilgen elektr energııasyn ortalyqtandyrylǵan túrde satyp alýdy jáne satýdy «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańynda kózdelgen tártippen júzege asyratyn zańdy tulǵa;»; 46-tarmaqta: birinshi abzas mynadaı redaksııada jazylsyn: «46. Júıelik operator, esep aıyrysý-qarjy ortalyǵyn qospaǵanda, árbir teńgerim provaıderi úshin táýliktiń árbir saǵatyna elektr energııasynyń teńgerimsizdigi úshin tólemderdi esepteýdi júzege asyrady:»; 4) tarmaqsha mynadaı redaksııada jazylsyn: «4) esep aıyrysý kezeńiniń nátıjeleri boıynsha shektes memleketterdiń uıymdarymen jáne sharýashylyq júrgizýshi sýbektilerimen, esep aıyrysý- qarjy ortalyǵymen jasalǵan sharttar men ózara qarym-qatynastardyń ózge talaptarymen negizdelgen esep aıyrysý debeti men esep aıyrysý kredıtiniń kólemderi sáıkes kelmegen jaǵdaıda, elektr energııasy oń teńgerimsizdiginiń saǵattyq baǵalary túzetýshi koeffısıentti esepke ala otyryp, qaıta esepteledi;». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.