Shymkent qalasynan bastaý alǵan chellendj estafetasy búginde elimizdiń ár qıyrynda jalǵasyn taýyp jatyr. Tarazda uıymdastyrylǵan tazalyq aksııasyna jınalǵan stýdentter men erikti jastar totydaı taranǵan Tarazdyń tazalyǵy úshin jergilikti atqarýshy bılik qana emes, tutas qala halqy jaýapty dep esepteıdi.
«Eki myń jyldan astam tarıhy bar Taraz qalasy – bizdiń maqtanyshymyz. О́rkenıet kóshine ilesken shahardyń búgingi kelbetine kóz toıady. Elimizdegi eń kórikti jasyl qalanyń muntazdaı taza bolýy úshin ákimdik qyzmetkerleri nemese jaýapty mekeme ókilderi ǵana emes, barshamyz jaýapty bolýǵa tıispiz. О́ıtkeni Taraz – bizdiń súıikti qalamyz», deıdi chellendjge qatysqan stýdentter júzderi bal-bul janyp.
Taraz shahary búgingi tańda burynǵydaı lastanbaıdy. Birinshiden, adamdardyń sanasy ózgerse, ekinshiden, tazalyqqa jaýapty mekemelerdiń jumysy jolǵa qoıylǵan.
«Búgingi tańda oblysta barlyǵy 163 polıgon jáne qoqys tógýge arnalǵan úıindiler jumys istep tur. Onyń 5-i jeke menshikte bolsa, 158-i kommýnaldyq menshikte. Polıgondardyń barlyǵy qorshaǵan ortaǵa arnalǵan emıssııaǵa ruqsaty rásimdelgen, sanıtarııalyq talaptarǵa saı. Qaldyqtardy jınaý, tasymaldaý jáne suryptaý qyzmetterimen aınalysatyn 43 mekemeniń jumysy úılestirilgen. Olar 191 arnaıy tehnıkamen qamtylǵan. Aýdan ortalyqtarynda ornalasqan polıgondarda qaldyqtar negizinen 5 komponentke suryptalady. Jınalǵan qatty turmystyq qaldyqtar tekserýden ótkizilip, shıkizat alý úshin qaıta óńdeýge jiberiledi», deıdi oblystyq tabıǵı resýrstar jáne tabıǵat paıdalanýdy retteý basqarmasynyń basshysy Murathan Shúkeev.
Jalpy, óńirde jyl saıyn eki márte tazalyq aılyǵy júrgiziledi. Eki aıǵa sozylatyn atalǵan is-sharaǵa oblystaǵy barlyq jastar men mekeme basshylary, qyzmetkerler erikti túrde ún qosady. Sodan da bolsa kerek, Taraz qalasynyń ishki kórinisi qoqys ataýlydan kádimgideı tazaryp qalǵan deýge bolady.
EcoStudentKZ chellendji aıasynda M.H.Dýlatı atyndaǵy Taraz óńirlik ýnıversıtetiniń aınalasyn, ortalyq kósheni qoqystan tazartýǵa qatysqan stýdentterdiń qatary qalyń bolǵany qýantty. Tipti bul iske óz erkimen qosylǵan jastardy kórgende dán rıza bolystyq.
«Ekologııalyq sanany qalyptastyrý maqsatynda Shymkent qalasynan bastaý alǵan chellendjge stýdentter óz erkimen qatysyp, qoldaý bildirip otyr. Sol úshin de olarǵa degen alǵysymyz sheksiz. Jalpy, Taraz qalasynyń taza bolýy úshin árbir azamat jaýapty ekenin qaperde ustaǵan jón. Jastar búgin oqý ordasynyń aınalasyn ǵana emes, kósheniń de aýlalaryn tazalap, saýapty iske ún qosyp otyr. Aldaǵy ýaqytta da mundaı ekologııalyq aksııalardyń ótýine muryndyq bolyp, senbilikter uıymdastyramyz. Abattandyrý jumystaryn da qolǵa alsaq degen nıetimiz bar», deıdi M.H.Dýlatı atyndaǵy Taraz óńirlik ýnıversıteti tárbıe jumysy bóliminiń qyzmetkeri Álıhan Náregeev óz oıymen bólisip.
Ortalyq kóshedegi birqatar aýlany, joǵary oqý ornynyń aınalasyn tutastaı qoqystan tazartqan tarazdyq stýdentter chellendjdi ári qaraı Petropavl jáne О́skemen qalalarynyń jastaryna joldady.
TARAZ
