Ekonomıka • 07 Qazan, 2022

Adam kapıtalyn arttyrýǵa arnalady

36 ret kórsetildi

«Samuryq-Qazyna» qorynyń basqarýshy dırektory Ǵıbrat Aýǵanov qordyń adam resýrstaryn basqarý, áleýmettik eńbek qaty­­nastary, óndiristik qaýipsizdik jáne aqparattyq-kom­mý­nı­ka­sııalyq qyzmet baǵyttary boıynsha 9 aıdaǵy jumys nátı­je­le­rimen tanystyrdy.

Qazir qor toby elimizdegi eń iri ju­mys berýshi sanalady. Iаǵnı «Sa­mu­ryq-Qazyna» kompanııala­rynda 250 myńnan astam adam ju­mys is­teıdi. Olardyń 92%-y – óndi­ris­tik sektor jumysshylary. Atap aıt­qanda energetıkter, munaı­shy­lar, poshta qyzmetkerleri, temir­jol­shy­lar, metallýrgter, atom sala­sy­nyń mamandary, baılanysshylar jáne basqalar.

Qor jańa kadrlyq saıasatty jú­ze­ge asyrýǵa kiristi. Ǵ.Aýǵa­nov­tyń aıtýynsha, negizgi qaǵıdalar – ashyqtyq pen tıimdilik. Bul rette Samruk Qyzmet atalatyn rekrýtıngtiń biryń­ǵaı onlaın platformasy en­gizildi. Mindet – úmitkerlerdi irik­teýde, ıaǵnı túıindeme joldaǵan sátten bastap, jumys týraly keli­sim­shart jasaǵanǵa deıingi prosesti tolyq avtomattandyrý. Samruk Qyzmet júıesinde 480-nen astam kompanııa jáne 123 myń úmitker tirkelgen. Platformada 2019 jyldan beri 20 myńnan astam bos jumys orny jarııalansa, bıyl jarııalanǵan bos oryndar sany 11 myńnan astam. 7 myńnan astam adam jumysqa ornalasty. Prezıdenttiń kadrlyq re­zer­­vine qatysýshylarǵa jeke blok ázirlendi. Qordyń kadrlyq saıasa­tynyń eń kóp talqylanǵan jańa­shy­l­­yǵy – úmitkerlerdi irikteý pro­se­sinde jańa tásil qoldaný. Birinshi basshy, basqarýshy dırektor jáne qurylymdyq bólimshe basshylary laýazymdaryna úmitkerlerdiń bári qor kompanııalarynyń laýazymdy tulǵalaryna qatysy bary-joǵyn, komandalyq aýys-túıis, kor­rýpsııalyq jáne repýtasııalyq táýekelderdi anyqtaý úshin komplaens-tekserýden ótedi. Satyp alý salasyndaǵy basshylyq laýa­zym­dar­ǵa úmitkerler úshin 25 naýryzdan bastap profaılıng nemese «ótirikti anyqtaý» detektoryn qoldana otyryp, polıgraf arqyly qosymsha tekserý engizildi. Zertteýdi Qazaqstan polıgrafologtar qaýymdastyǵynyń mamandary júrgizedi. Qazir qor to­byn­daǵy 38 kompanııadaǵy 96 úmitker polıgraftan ótti, 18 úmitker bul synaqtan ótpeı qaldy. Atalǵan prosesterge biryńǵaı operator – Samruk Business Academy enshiles uıymy jetekshilik etedi. Samruk Business Academy qor kompanııalary úshin qyzmetkerlerdi izdeý men irikteý prosesin bir ortalyqtan júzege asyrady. Bul áleýetti kandıdat­tardy sapaly baǵalaýǵa múmkindik beredi.

«HR-prosester taqyrybyn jal­ǵaı kele, Prezıdent tapsyrmasy aıasynda kompanııalardyń basshylyq organdaryndaǵy áıelder úlesin kezeń-kezeńimen arttyrý aıasynda Qazaqstan áıelder kúshi alıansymen birge «Genderlik teńdik» modýldi oqytý jobasyn iske qostyq. Jo­ba­nyń maqsaty – áıelderdiń bas­qa­rý­shylyq qabiletin arttyrý jáne olardyń qor tobynyń dırektorlar keńesi, baqy­laý­shylar keńesi jáne atqarýshy or­gandaryna qatysý úle­sin 2023 jyly 20%-ǵa deıin jáne 2030 jyly 30%-ǵa deıin arttyrý», dedi qordyń basqarýshy dırektory.

Bıyl batys óńirlerindegi eń­bek ujymdarynda oryn alǵan ereýil­der tolqynyna kýá boldyq. Jyl basyndaǵy oqıǵalar toptyń kásip­oryn­daryndaǵy ahýalǵa aıtarlyqtaı áser etti. О́ndiristik ujymdardaǵy áleýmettik ahýaldy jaqsartý boıyn­sha aýqymdy jumys júrgizilip jatyr. Ákimshilik-basqarýshylyq pen óndiristik qyzmetkerlerdiń eńbekaqysyndaǵy aıyrmashylyqty azaıtý, áleýmettik-eńbek daýlary men janjaldardy boljaý jáne olar­dyń aldyn alý boıynsha ju­mys jalǵasyn tapty. Top ká­siporyn­daryndaǵy jaǵdaıǵa 24/7 reji­­minde monıtorıng júrgizetin Kor­po­ratıvtik sıtýasııalyq ortalyq quryldy. Toqsan saıyn óndiristik alańdardaǵy áleýmettik turaqtylyq deńgeıin anyqtaý boıynsha saýaldama júrgizilip, aldyn alý shara­la­ry jospary júzege asyrylady. Áleýmettik-eńbek qatynastary má­se­­­leleri boıynsha táýlik boıǵy «Nysana» baılanys ortalyǵy iske qosyldy. Jyl basynan beri bul arqyly 20 myńnan astam habarlama (relevanttysy – 622) qabyldandy. Ombýdsmen jáne medıasııa ınstıtýttary jasaqtaldy. Eńbek daýy týyndaǵan jaǵdaıda máseleler medıa­sııa tásilderin qoldaný jáne kásip­odaq uıymdaryn tartý ar­qyly quqyq aıasynda sheshiledi. «Medıatorlardyń korporatıvtik pýly» jobasy aıasynda bıyl qor­jyndyq kompanııalardyń 102 ju­mys­shysy oqýdan ótti. «Ká­sipodaq belsendileriniń mektebi» jobasy iske qosylyp, qordyń enshiles uıymdary kásipodaqtarynyń júzden astam ókili oqýǵa qatysty. О́ndiristik qyzmetkerlerdiń 84%-dan astamy – kásipodaq músheleri. Ujymdyq sharttar aıasynda jumysshylar men olardyń otbasylarynyń músheleri úshin áleýmettik jeńildikterdiń 20-dan astam túri qarastyrylǵan.

«Korporatıvtik áleýmettik ja­ýap­kershilik – qordyń turaqty damý qa­ǵıdalarynyń biri. Bul rette Samruk-Kazyna Trust qaıyrymdylyq qoryn qarjylandyrý úlesi artyp keledi. 2021 jyly onyń bıýdjeti 7 mlrd teńge bolsa, bıyl – 10 mlrd teńge. Búginge deıin jalpy quny 7,2 mlrd teńge bolatyn jobalar qoldaý tapty. Qor 370 myń qazaqstandyq azamatqa, onyń ishinde 48 myń balaǵa kómek kórsetýge arnalǵan 44 qaıy­rymdylyq jobasyn júzege asyrdy», dedi Ǵ.Aýǵanov.

Sondaı-aq 2022 jyl «Samuryq-Qazyna» qorynda Qaýipsizdik jáne eńbekti qorǵaý jyly bolyp jarııalandy. Ǵ.Aýǵanovtyń aıtýyn­sha, «Nol jaraqattaný» kon­sep­sııa­synyń «jeti altyn ere­je­sin» júzege asyrý aıasynda bız­nesti júrgizý modeli qaıta qa­ral­dy. О́n­diristik jaraqattanýdy tómen­de­tý­ge baǵyttalǵan sıfrlyq she­shim­der engizildi. Eńbekti qorǵaý, óner­ká­sip­tik qaýipsizdik jáne qor­sha­ǵan ortany qorǵaý jónindegi ko­mıtettiń otyrystarynda úzdik keıster tanystyrylyp, qaıǵyly oqı­ǵalardy zertteý nátıjeleri talqy­lan­dy, oǵan jol bermeý sharalary ázirlenip, óner­kásiptik nysandarǵa kóshpeli aýdıt júrgizý tájirıbesi qolǵa alyndy.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar