Bilim • 07 Qazan, 2022

Úzdik pedagogke – jeńil kólik

145 ret kórsetildi

Bıyl Almaty oblysynyń bilim salasyndaǵy bıýdjeti 274,7 mlrd teńgeni qurady. Bul – ótken jylmen salystyrǵanda 34 mlrd teńgege artyq. Bólingen qarjynyń 4,6 mlrd teńgesi bilim berý uıymdarynyń materıaldyq-tehnıkalyq bazasyn nyǵaıtýǵa jáne 2,7 mlrd teńgesi oqýlyqtar men oqý-ádistemelik keshenderdi satyp alýǵa jumsalady.

Bıyl jergilikti bıýdjet ese­bi­nen jańa modıfıkasııalyq kabı­net­ter satyp alýǵa 1 063,3 mlrd teńge qa­rajat bólinip, jyl sońyna deıin 102 pán kabıneti tolyqtaı jab­dyq­ta­lady. Jalpy, Almaty oblysy – turǵyndar tyǵyz ornalasqan óńir. Mun­­daǵy demografııalyq ósim men ishki mıgrasııaǵa baılanysty jyl sa­ıyn oqýshylar sany artyp keledi. Son­dyq­tan da óńirde úsh aýy­symdy mektep sanyn azaıtý áli kúnge kún tártibinen túsken emes. Búginde 54 bilim uıasynyń úsh aýysymda jumys istep turǵany taǵy ras. Iаǵnı oblystaǵy mektepterde 23 273 oqýshy orny tapshylyǵy bar. Búginde úsh aýysymda bilim berý men oqýshy oryndarynyń tapshylyǵyn joıý maqsatynda 2022-2025 jyldar aralyǵynda 62 mekteptiń qurylysyn salý josparlanǵan. Bıyldyń ózinde 20 bilim berý nysanynyń qurylysy júrgizilip jatyr.

– Sońǵy úsh jylda pedagogterdiń jalaqysy 75 paıyzǵa kóterildi, keler jyldyń qańtarynda taǵy 25 paıyzǵa artady. Besinshi jyl qatarynan jańa formatta biliktilik deńgeıin ras­ta­ǵan pedagogterdiń jalaqysy 30-50 pa­ıyzǵa artty. Qazir oblystaǵy 31 193 ustazdyń 9 331-i moderator, sarap­shy, zertteýshi, sheber sanatynda. Ma­gıstr-pedagogterge 10 AEK kó­le­min­de qosymsha aqy tólenedi, – dedi oblys ustazdaryn quttyqtaǵan jıynda oblys basshysy Marat Sultanǵazıev.

О́ńir pedagogteriniń saltanatty basqosýynda Almaty oblysynyń «Úzdik ustazy» anyqtaldy. Bul qur­met­ti ataqqa bıyl Ile aýdanyndaǵy №40 mektebiniń fızıka pániniń muǵalimi Balaýsa Sarımova laıyq dep ta­nyl­­dy. Maqtaýly muǵalimge Marat Sultanǵazıev jeńil kóliktiń kiltin tapsyrdy. Sonymen qatar oblys ákimi bilim berý júıesin damytýǵa, rýhanı, adamgershilik tálim-tárbıe berýge úles qosqan birqatar ustazdy Alǵyshatpen, qurmet gramotasymen marapattady.

 

Almaty oblysy

Sońǵy jańalyqtar

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Ashyqtyq – mańyzdy ustanym

Saıasat • Búgin, 08:10

Baǵa bulqynysy

Ekonomıka • Búgin, 08:09

Astyqty óńirde un tapshy

Aımaqtar • Búgin, 08:07

Jóndeýshi tapshy

Qoǵam • Búgin, 08:05

Áıgili jelaıaq – qurmetti azamat

Qoǵam • Búgin, 08:04

Bala dilmarlar baıqaýy

Aımaqtar • Búgin, 08:02

Jarysty jalǵyz qolamen túıindedi

Sport • Búgin, 08:00

Ákim saılaýy – elge syn

Saıasat • Keshe

Uqsas jańalyqtar