Qoǵam • 07 Qazan, 2022

Barymtaǵa – «qarymta»

57 ret kórsetildi

Qaraǵandy aımaǵynda barymtamen baıy­maq bolǵandardyń «qarymtasy» daıyn. Ury­lar­dyń jolyn blokbeket kespek. Arnaıy top kúni-túni kúzetetin beket kúz túse kú­sheıe­tin mal urlyǵynyń aldyn almaq.

Toptyń quramynda krımınaldyq polısııa, ýchaskelik polısııa ınspektorlary, patrýldik polısııa qyzmetkerleri bar. Osyndaı 18 blokbeket Qaraǵandy oblysy aýmaǵynan ótetin res­­pýb­lıkalyq mańyzy bar jáne oblystyq tas jol­dar­dyń boıynda ornalasqan.

– О́zderińizge belgili, qazir soǵym ýaqyty ja­qyn­dap keledi. Bul kezde barymtashylardyń da halyqtyń malyna tynyshtyq bermeıtini anyq. Solardyń kesirinen tórt túligin bordaqylap  otyrǵan qarapaıym qojalyq ıeleri japa she­gedi. Naqty mysal keltire keteıin, ótken ap­tada ǵana osy tas jolda patrýldik polısııa batalonynyń qyzmetkerleri eshqandaı qu­jatsyz 6 jylqyny áketip bara jatqan avto­kólikti toqtatty. Teksere kelgende jyl­qy­lardyń jaıylymnan urlanǵany anyqtaldy. Kú­dikti ustalyp, tergeý amaldary júrgizilýde, – dedi Qaraǵandy oblystyq polısııa departamenti bastyǵynyń orynbasary Ábil Ábildın.

Qaraǵandy oblystyq polısııa departamenti bas­pasóz qyzmetiniń málimetinshe, oblys aýma­­­ǵyn­da jyl basynan beri mal urlyǵyna baı­­lanysty 47 derek tirkelip, 22 qylmys ashyl­ǵan.

«Sonymen qatar turaqty túrde mal urly­­ǵy­men aınalysqan eki qylmystyq top us­tal­dy. Barymtashylardyń 14 qylmysqa qatys­ty­­lyǵy anyqtalyp, qazirgi ýaqytta is sotqa ji­be­rildi», deıdi Qara­ǵandy oblystyq polısııa de­partamentiniń baspasóz qyzmeti.

 

Qaraǵandy oblysy

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar