Chehııanyń Ostrava qalasynda ótip jatqan halyqaralyq týrnırdiń bastapqy básekesinde álemniń 17-raketkasy amerıkalyq Medıson Kızdi úsh sette – 5:7, 6:3, 6:3 esebimen jeńip, jarys jolynan yǵystyrǵan otandasymyz ekinshi aınalymda álemdik reıtıngte 31-orynda turǵan latvııalyq Elena Ostapenkomen sheberlik baıqasty. Eki jarym saǵatqa jalǵasqan eki Elenanyń arasyndaǵy tartysty kezdesýde Rybakınanyń mereıi ústem boldy – 6:7, 6:4, 7:5.
Birinshi partııada qazaqstandyq sportshy breık jasaǵanymen, qarsylasy tez arada ese qaıtaryp otyrdy. Sóıtip, birinshi settiń bar máselesi taı-breıkte sheshildi. Elena «á» degennen 3:0 esebimen alǵa uzap ketkenimen, ári qaraı sol basymdyǵyn saqtap qala almady – 6:7 (5:7). Ekinshi settiń úshinshi geıminde breık-poınt jasap, keıin óz múmkindigin paıdalanǵan jerlesimiz 3:1 esebimen alǵa shyqty. Set sońyna deıin qateliksiz oınap, sońynda 6:4 esebimen senimdi jeńiske jetti. Úshinshi, sheshýshi partııada da jerlesimiz bilgeninen jańylǵan joq – 7:5.
Buǵan deıin eki tennısshi kortta eki márte kezdesip, ekeýinde de qazaqstandyq sportshy basym túsken bolatyn. E.Rybakına shırek fınalda álemniń 20-raketkasy chehııalyq Petra Kvıtovamen kezdesedi.
