Alǵashqy 3D operasııa

Qazaqstanda alǵash ret 3D-teh­nologııanyń kómegimen syrqattyń jambas súıegin qalpyna keltirdi. Birinshi operasııa Qazaq onkologııa jáne radıologııa ǵylymı-zertteý ınstıtýtynyń Súıekter, jum­saq tinder men melanoma isikteri ortalyǵynda júrgizildi.

«Naýqasqa aldymen mýltı­dıssıplınarlyq dárigerler to­by keńes berdi. Buryn mundaı dıag­­noz qoıylǵan kezde hırýrg­ter jambas súıekteriniń za­qym­dalǵan aýmaǵyn alyp tas­taýǵa májbúr edi. Bul jambas qýy­synyń tutas­tyǵyn bu­zyp, adamnyń júri­siniń ózge­rýi­ne, naýqastyń omyrt­qasy­­nyń qısaıýyna ákeledi. Bul ope­rasııanyń artyqshylyǵy, em­de­lýshiniń jasyn eskere otyryp, onkohırýrgter isikti alyp ­tastap qana qoımaı, naýqas­tyń ómir sapasyn da saqtap qa­lýdy da maqsat tutty», dedi «QazOjRǴZI» AQ Súıekter, jumsaq tinder men melanoma isikteri ortalyǵynyń basshysy, tájirıbeli onkohırýrg Ǵanı Serikbaev.

Joba túrindegi operasııany jasaý úshin qytaılyq Koln 3D Technology kompanııasymen qosa Gonkong ýnıversıtetimen birlesip uzaq merzimdi memorandým jasalǵan. Osy mámileden keıin naýqastyń KT-derekteri Gonkongqa jiberilip, sol qalada 3D-basyp shyǵarý arqyly ko­balt-hrom qorytpasynan arnaıy protez jasalǵan.

Osylaısha, onkologııadaǵy al­ǵashqy 3D operasııa bıyl qyr­kúıek aıynda jasaldy. Ope­rasııa barysynda pasıenttiń qyr-myqyn súıeginiń qanaty, sondaı-aq isikten búlingen jum­saq tinder alynyp tastaldy. 3 saǵatqa jalǵasqan operasııa kezinde kompıýterlik jáne 3D-tehnologııalar qoldanyla otyryp, jeke málimetter bo­ıynsha arnaıy jasalǵan jeke endoprotezben jambas súıekteri qaıta qalpyna keltirildi.

«Almatydaǵy onkolo­gııa ıns­­tıtýtyna óz tańdaýym­men kel­dim. 2018 jyldan beri osy dert mazalap keledi. Maman­dar gıstologııaǵa teksergennen keıin operasııa jasatýǵa da­ıyndap, bul protez kez kelgen adamǵa qoıyla bermeıtinin jáne elimizde birinshi ret jasalatyn kúrdeli operasııa ekenin aıtty. Árıne, ýaıym da boldy, ózim de medısına salasynda júrgendikten, emosııalyq turǵyda daıyndalý, mújilmeý qajet ekenin ishteı túısindim. Dárigerlerge rızamyn, olar ota­nyń qandaı ádispen jasalatyny týraly óte jaqsy túsindirdi. Ási­rese bólim meńgerýshisi Ǵanı Amangeldiuly men dárigerim Ja­nat О́mirzaqqyzyna al­ǵys aıtamyn. Elge jany ashıtyn osyndaı myqty mamandar qatary kóbeıe berse eken dep tileımin. Olar osyndaı erekshe jaǵdaıda maǵan myqty psıhologııalyq kómek kerek ekenin de jaqsy túsi­nip, úlken qoldaý kórsetti. Eń bastysy, der kezinde emdelgenime qýanamyn», dedi Nurdáýlet.

ALMATY