«2019 jyldan 2022 jylǵa deıin Sot jıýrıi zańdylyqty óreskel buzý faktileri boıynsha barlyǵy 349-ǵa jýyq is qaralyp, tártiptik jaýapkershilikke tartyldy. 34 sýdıa sot ádeptiligin buzǵany jáne sot tóreligin júzege asyrý kezinde zańdy buzǵany úshin Sot jıýrıiniń sheshimi boıynsha qyzmetten bosatyldy», dedi Nurııa Sısenova.
Ol sýdıalardyń is-áreketterinde tártiptik teris qylyq anyqtalmaýyna baılanysty 105 fakti boıynsha tekserýler toqtatylǵanyn aıtty. Bul tártiptik is júrgizýdiń jalpy sanynyń 30%-yn quraıdy.
Bul rette, onyń aıtýynsha, sýdıalardy tártiptik jaýapkershilikke tartý Sot jıýrıiniń sheshimi boıynsha júrgiziledi, ol 2019 jyldan bastap Joǵary Sot Keńesi janynan derbes quqyqtyq ınstıtýt retinde áreket etedi.
Tártiptik organnyń quramyna sýdıalar da, qoǵam ókilderi de kiredi. Sýdıalar sot tóreligin júzege asyrý kezinde zańdylyqty óreskel buzǵany úshin tártiptik jaýapkershilikke tartylýy múmkin.
