«Onay»-men tóleý arzanǵa túsedi

Resmı uıymdar atalǵan ta­rıfti qoldanysqa engizý ar­qy­ly jolaýshylardyń naqty legin baqylaýǵa, qajet jaǵdaıda qosymsha avtobýstar shyǵarýǵa múmkindik beriletinin atap otyr. Bıýdjetten bólinetin sýbsıdııa da osydan soń qaıta qaralmaq.

– Saralanǵan tarıfti engizý týraly sheshim Ádilet mı­nıstr­­ligimen kelisildi. Tıisti qaý­lyǵa «Avtomobıl kóligi týra­ly» zań­ǵa sáıkes qol qoıyl­dy. Aqpa­rat­tyq quqyqtyq júıe­lerde jarııalandy, – dedi Qara­ǵan­dy qalasy kommýnaldyq shar­ýa­shylyq, jolaýshylar kó­li­gi jáne avtomobıl joldary bó­li­miniń basshysy Álibek Dúısembekov.

Sonymen qatar ol Qaraǵandy qalasynyń ishindegi № 118, 145 ekspress-baǵyttardaǵy qosymsha aqy tóleý joıylatynyn habarlady. Jolaqyny qolma-qol tólegen jolaýshylarǵa erekshe úlgidegi qaǵaz bılet beriledi.

Búgingi tańda Qaraǵandy qa­la­syndaǵy qoǵamdyq kólikte karta tóleminiń úles salmaǵy 60%-ǵa jetken. Jarııa etilgen derekter kún saıyn «onay» kar­ta­symen shamamen 150 myń tólem jasalatynyn málimdeıdi. Ma­mandar saralanǵan tarıf iske qosylǵanda kartamen tóleý 95%-ǵa deıin artatynyn boljaıdy. Osy kúni qoǵamdyq kóliktiń bárinde kartamen tóleıtin qural ornatylǵan.

– Barlyq avtobýsta «onay» elektrondy jolaqy tóleý quraly ornatylǵan. Qala turǵyndaryna yńǵaıly bolý úshin bizde qyzmet kórsetý ortalyǵy jumys isteıdi. Qalanyń ár aýdanynda azamattardy tirkeý ortalyqtary ashyq. Biryńǵaı kólik kartasyn qalada 70-ten astam jerden satyp alýǵa bolady, – deıdi «Almaty qala­sy­nyń kólik holdıngi» JShS Qaraǵandy oblysy boıynsha fılıalynyń dırektory Georgıı Kogaı. Búgingi tańda jolaqyny tóleýdiń ártúrli tásilderi qol­da­nylady. Ol – karta, QR-kod, kólik kody, SMS arqyly. Son­daı-aq qolma-qol aqshamen tóleýge ruqsat.

Avtoparkter qoǵamdyq kólik tasymalyna taǵy 92 jańa avtobýs satyp alýdy josparlap otyr. Buıyrsa, taǵy jańa 40 kólik jolaýshylar tasyma­ly­na shyǵady. Byltyrǵy jel­toq­san­nan bastap, qol­da­nysqa engen «onay» elek­tron­dy tólem júıesiniń kartasyn 195 myń qaraǵandylyq al­dy. Onyń 111 myńǵa jýyǵy je­ńil­de­tilgen sa­nattaǵy turǵyn­dar bolsa, Biryń­ǵaı kartany 80 myń azamat satyp alǵan eken.

Qalaaralyq marshrýttarda tarıf­ter ózgerissiz. Onda jol­a­qy­syn tek qolma-qol tóleý ke­rek.

QARAǴANDY