Týrnır kestesinde kósh bastap turǵan «Aqtóbe» 22-týrda óz alańynda Aqtaýdyń «Kaspııin» qabyldap, 4:0 esebimen jeńiske jetti. Sondaı-aq chempıondyq jarysta «Aqtóbeni» ókshelep kele jatqan «Astana» da elordada Shymkenttiń «Ordabasy» klýbynyń qaqpasyna jaýapsyz alty gol soqty. Al úshinshi oryndaǵy byltyrǵy el chempıony «Tobyl» kútpegen jerde Pavlodarda jergilikti «Aqsýdan» 3:0 esebimen jeńilip qaldy.
Joǵary toptaǵy ornyn saqtap qalý úshin jantalasyp jatqan «Maqtaaral» men «Aqjaıyq» arasyndaǵy básekede Túrkistan oblysynyń komandasy mańyzdy úsh upaıyn oljalady – 1:0. «Qaırat» syrt alańda «Atyraýdan» basym tústi – 2:1. Al «Taraz» – «Qyzyljar» (0:0) jáne «Shahter» – «Turan» (0:0) matchtarynda esep ashylǵan joq.
Týrnır kestesinde «Aqtóbe» 45 upaımen chempıondyqqa jaqyndap keledi. Ekinshi oryndaǵy «Astananyń» enshisinde 41 upaı bar. Al «Maqtaaral» 21 upaımen kósh sońynda tur.
