«Fýtboldan álem chempıonaty qarasha aıynyń sońynda bastalady. Qazaqstannyń fýtbol jankúıerlerin týrnırdi tamashalaýǵa shaqyramyn. Sondaı-aq QR Prezıdentin álem chempıonatyn tamashalaýǵa shaqyrdym. Ol ýaqytta Qazaqstanda prezıdent saılaýy ótetinin bilemin, degenmen, chempıonatqa kelesizder dep úmittenemin», dedi sheıh Tamım Aqordada Qazaqstan prezıdentimen kezdesýden keıin ótken brıfıngte.
Fýtboldan álem chempıonaty 20 qarasha men 18 jeltoqsan aralyǵynda Katarda ótedi.
Buǵan deıin habarlaǵanymyzdaı, búgin Aqordada Qazaqstan Respýblıkasynyń Prezıdenti Qasym-Jomart Toqaev Katar Ámiri Tamım ben Hamad Ál Tanımen kezdesti. Keshe Memleket basshysy Qasym-Jomart Toqaev Qazaqstanǵa memlekettik saparmen kelgen sheıh Tamım ben Hamad ál-Tanıdi Katar Ámiriniń astanalyq áýejaıynda qarsy aldy. 13 qazanda sheıh Tamım ben Hamad Ál Tanı Azııadaǵy ózara is-qımyl jáne senim sharalary keńesiniń VI sammıtine qatysady. Katar Ámiriniń Qazaqstanǵa memlekettik sapary aıasynda 12 qujatqa qol qoıyldy.
