22 jastaǵy reseılik veloshabandoz tamyz aıynan beri Aleksandr Vınokýrovtyń shaqyrýymen qazaqstandyq klýbta tájirıbeden ótip júr. Sol ýaqyttan beri birneshe velojarysqa qatysqan Syrısa kúni keshe «Astana» sapyndaǵy alǵashqy jeńisine qol jetkizdi. 157,3 shaqyrymǵa jalǵasqan birinshi kezeńdi ol 3 saǵat 43 mınýt 43 sekýndta baǵyndyryp, máre syzyǵyn birinshi bolyp kesti. Ekinshi jáne úshinshi oryndy norvegııalyq Erlend Blıkra (Uno-X Pro Cycling Team) men germanııalyq Maks Kanter (Movistar) ıelendi.
«Langkavı týry» 1996 jyldan beri Malaızııanyń Langkavı aralynda ótkizilip keledi. Segiz kezeńge jalǵasatyn jarysta 2016 jyly «Astananyń» kolýmbııalyq veloshabandozy Mıgel Lopes jalpy esepte úshinshi orynnan kórinse, 2020 jyly Evgenıı Fedorov kúmis júldege qol jetkizgen-di.
