Qyzylorda qalasynda jalǵan aqsha qarajatynyń zańsyz aınalymyna qatysy bar transulttyq qylmystyq toptyń qatysýshylaryna qatysty is qaraldy.
Qazaqstan, Ázerbaıjan jáne Grýzııa azamattarynan quralǵan top músheleri UQK men prokýratýra organdarynyń Qyzylorda, Almaty jáne О́skemen qalalaryndaǵy birlesken arnaıy operasııasy barysynda ustaldy.
Tergeý barysynda olardyń Qazaqstan aýmaǵynda joǵary sapasymen erekshelenetin asa iri kólemde jalǵan AQSh dollary men eýrony jetkizýge jáne ótkizýge qatysqany dáleldendi.
Valıýta Qazaqstanǵa Túrkııadan poshta jóneltilimderinde kamýflıajdalǵan túrde jetkizildi.
Sot sheshimimen toptyń kóshbasshysy men músheleri transulttyq uıymdasqan qylmystyq topty qurýǵa jáne oǵan qatysýǵa, sondaı-aq jalǵan aqsha qarajatyn satýǵa qatysqandary úshin kináli dep tanyldy.
Aıyptalýshylar 9 jyldan 17 jylǵa deıin bas bostandyǵynan aıyrý jazasyn óteýdiń uzaq merzimine sottaldy.
