2022 jyldyń 1 qyrkúıegi qazaqstandyqtardyń sany 19 mln 666 myń 800 adamdy qurady. Bul rette qalalarda 12 mln 131 myń 100 adam (61,7%), aýyldyq jerlerde 7 mln 535 myń 700 adam (38,3%) turady.
Respýblıka halqynyń tabıǵı ósimi ótken jyldyń sáıkes kezeńimen salystyrǵanda 8 aı ishinde 3,6% ǵa tómendep, 172,4 myń adamdy qurady.
AHAT organdarynyń derekteri boıynsha qańtar-tamyz aılarynda Qazaqstanda 263,8 myń sábı dúnıege keldi, bul 2021 jyldyń tıisti kezeńimen salystyrǵanda 11%-ǵa az.
Kórsetilgen ýaqyt aralyǵynda 91,4 myń adam qaıtys boldy, bul ótken jyldyń qańtar-tamyzyna qaraǵanda 22,3%-ǵa az.
Sábıler ólimine keletin bolsaq, bul kórsetkish te 5,8%-ǵa tómendedi.
