Vıdeonyń túsindirme sózinde zardap shegýshi – Reseı Federasııasynan kelgen mıgrant, al shabýyldaýshylar – Qazaqstan azamattary ekeni jazylǵan. Vıdeo boıynsha janjalǵa ultaralyq alaýyzdyq sebep bolǵan. QR IIM bul jaǵdaıǵa qatysty túsinikteme berdi.
Vedomstvonyń habarlaýynsha, vıdeonyń Qazaqstanda túsirilgenine dálel joq.
– Qazirgi ýaqytta ishki ister organdary osy vıdeo boıynsha tekserý is-sharalaryn júrgizýde. Sonymen qatar polısııaǵa ótinish túsken joq, – dep túsindirdi QR IIM baspasóz qyzmeti.
Bul kadrlardy Qaznet paıdalanýshylary da talqylaýda. Mysaly, bloger Ulan Ábishev ultaralyq alaýyzdyqty qozdyrýǵa baǵyttalǵan bul vıdeony qoıylym dep sanaıdy.
«Túrli aqparattyń, feıkterdiń kóp taralýy, saıttarǵa jasalǵan DDoS-shabýyldar – bireýler Qazaqstanǵa qatysty aqparattyq naýqan júrgizip jatqanǵa uqsaıdy», dep jazdy ol óziniń Facebook paraqshasynda.
