2022 jylǵy 1 qazandaǵy jaǵdaı boıynsha zeınetkerler sany 2 mln 261 myń adamdy quraıdy.
2022 jylǵy 1 qazandaǵy jaǵdaı boıynsha zeınetaqy tólemderiniń ortasha mólsheri (bazalyq zeınetaqy tólemin eskere otyryp) 109 171 teńgeni qurady.
Eske sala ketsek, 2018 jyldyń 1 shildesinen bastap memlekettik bazalyq zeınetaqy tólemi zeınetaqy júıesine qatysý ótilin eskere otyryp, árbir alýshyǵa jeke taǵaıyndalady.
Bul rette zeınetaqy júıesine qatysý ótiline 1998 jylǵy 1 qańtarǵa arnalǵan yntymaqty júıede ázirlengen eńbek ótili, sondaı-aq mindetti zeınetaqy jarnalary (MZJ) tólengen kezeńder engiziledi.
Máselen, eger zeınetaqy júıesine qatysý ótili 10 jyl nemese odan az bolsa, bazalyq zeınetaqy mólsheri eń tómengi kúnkóris deńgeıiniń 54%-na teń bolsa, budan ári árbir jyl úshin 10 jyldan astam onyń mólsheri 2%-ǵa ulǵaıady. Mysaly, qatysý ótili 20 jyl bolǵanda bazalyq zeınetaqy eń tómengi kúnkóris deńgeıiniń 74%, 30 jyl - eń tómengi kúnkóris deńgeıiniń 94%-dy quraıdy. 33 jáne odan da kóp jyl ótili kezinde ol eń joǵary mólsherde-eń tómengi kúnkóris deńgeıiniń 100% belgilenedi.
Eger bir aıda Biryńǵaı jınaqtaýshy zeınetaqy qoryna MZJ birneshe ret aýdarylsa, jınaqtaýshy júıege qatysý kezeńi bir aıdy quraıdy.
Osylaısha, mindetti zeınetaqy jarnalary neǵurlym turaqty jáne tolyq tólense, zeınetkerlik jasqa jetkende bazalyq zeınetaqy tóleminiń mólsheri soǵurlym kóp bolady.
О́z kezeginde jasyna baılanysty zeınetaqy tólemderiniń mólsheri 1998 jylǵy 1 qańtardaǵy jaǵdaı boıynsha eńbek ótiline (keminde 6 aı qajet) jáne zeınetaqy aldyndaǵy kezeńde alynǵan ortasha aılyq tabysqa baılanysty bolady.
