Igor Rogov Memleket basshysyna Komıssııanyń otyrystarynda adam quqyqtaryn qorǵaý salasyndaǵy ýákiletti memlekettik organdardyń qyzmeti, sondaı-aq quqyq qorǵaý organdary men arnaıy organdardyń qyzmetinde azaptaý faktileriniń aldyn-alý máselesi qaralǵanyn habarlady.
Memleket basshysy adam quqyqtaryn qorǵaý memlekettik saıasattyń mańyzdy bóligi ekenin atap ótti. Qazaqstan Konstıtýsııasyna sáıkes, adam ómiri - eń joǵary qundylyq.
Memleket basshysyna Eýropa Keńesi Venesııa komıssııasynyń jumysy jóninde málimet berildi. Igor Rogov – Qazaqstannyń atynan osy komıssııanyń múshesi jáne Ombýdsmen ınstıtýty jónindegi shaǵyn komıssııanyń prezıdenti. Prezıdenttiń aıtýynsha, jýyrda konstıtýsııalyq túzetýlerdi pysyqtaý barysynda Venesııa komıssııasynyń Ombýdsmen mártebesin kóterý jónindegi usynystary eskerildi. Bul adam quqyqtaryn saqtaý salasyna baqylaýdy kúsheıtedi jáne memleketti halyqtyń suranysyna jedel jaýap berýge yqpal etedi.
Sondaı-aq Igor Rogov Venesııa komıssııasy elimizde júrgizilip jatqan quqyqtyq jáne saıası reformalarǵa oń baǵa bergenin aıtty.
Aıta ketsek, qazan aıynda Venesııa komıssııasy, Parlament Májilisi men Ádilet mınıstrligi «Qazaqstan Respýblıkasyndaǵy Adam quqyqtary jónindegi ýákil týraly» Konstıtýsııalyq zań jobasyn talqylaýdy josparlap otyr.
