Oqýdyń jyldyq aqysyn tólep, jataqhanada oryn bolmasa páter jaldap, basqa da shyǵyndaryn moınyna alyp, shyr-pyry shyǵady. Munysyn ózderinshe ata-analyq paryz sanaıdy. Balasy osyndaı alashapqyndy túsinip, bári áke-sheshe oılaǵandaı bolyp jatsa, kánekeı!
Shyn máninde mektepte durys oqymaǵan baladan ne shyǵady? Aqyly negizde bilim alǵan shala saýatty jas maman keıin qalaı, qaıdan jumys tabady? Mine, gáp qaıda jatyr! Biraq ata-ananyń onymen isi joq, tipti balasyna maıly oryndardy qarastyrýǵa tyrysady. Mine, qoǵamdaǵy paraqorlyq pen jemqorlyq osy jerden bastap týyndaıdy. О́kinishke qaraı, búginde JOO-larda bilimi oqýyna saı emes balalar óte kóp.
Máselen, Batystaǵy damyǵan elderde jasóspirimderdiń 70-80 paıyzy kolledjderde oqıdy, ıaǵnı bári birdeı joǵary oqý oryndaryna umtylmaıdy. Biz úshin naǵyz úlgi alatyn úrdis. Úlgerimi tómen ne ortasha bala 10-11 synyptarǵa jiberilmeı kolledjderge ornalastyrylyp, naǵyz kásibı mamandyq berý jaǵy qolǵa alynsa, jastar problemasynyń birshama sheshiletini kúmánsiz.
Munda bir eskeretin jaǵdaı, atalǵan máselede san jaǵyna emes, sapa jaǵyna basa mán berilýge tıis. Ol úshin, árıne, salalyq mınıstrliktiń jastarǵa kásiptik bilim berý isi jan-jaqty qarastyrylǵan naqty baǵdarlamasy bolýy shart. Mine, búgingi jastardyń oqý-bilimge degen yntasyn arttyryp, olardy jumyspen qamtýdyń birden-bir tıimdi joly osy bolmaq.
Berdaly RYSBEKOV,
zeınetker ustaz
Túrkistan oblysy,
Keles aýdany
