«2022 jylǵy 19 qazanda halyqaralyq reısterdiń ushý zalynda jolaýshylardy tekserý rásiminen ótý kezinde «Eır Astana» áýekompanııasynyń Almaty — Bishkek baǵyty boıynsha KS 109 reısimen ushýǵa daıyndalǵan jolaýshynyń portatıvti zarıadtaǵyshy janyp ketken.
Jolaýshylardy zarıadtaý qurylǵylaryn tasymaldaý erejeleri týraly habardar etý maqsatynda «Qazaqstannyń avıasııalyq ákimshiligi» AQ jolaýshylarǵa avıakompanııa erejelerin basshylyqqa alýǵa jáne qajet bolǵan jaǵdaıda keńes alýǵa, sondaı-aq tirkeý rásiminen ótý kezinde avıakompanııa men áýejaılardyń qyzmetkerlerin zarıadtaý qurylǵylarynyń bar ekendigi týraly habardar etýge qatań keńes beredi.
Qaýipti júkterdi DOC 9284 IKAO áýe arqyly qaýipsiz tasymaldaý jónindegi tehnıkalyq nusqaýlyqqa sáıkes, qosalqy batareıalar, sonyń ishinde qýat kózderi qol júgimen tasymaldanýy kerek.
Eger lıtıı batareıalary júk retinde tasymaldanatyn bolsa, onda olar IKAO tehnıkalyq nusqaýlyǵynyń qoldanystaǵy redaksııasyna sáıkes tıisti túrde deklarasııalanýy, tańbalanýy jáne býyp-túıilýi tıis.
«Ushý qaýipsizdigi ár jolaýshynyń jaýapkershiligine de baılanysty», delingen QR IIDM azamattyq avıasııa komıtetiniń Telegram-arnasynda.
