19 mamyrda «Aqtaýdan 214 shaqyrym qashyqtyqtaǵy Qarajanbas aýmaǵynda Kaspıı teńiziniń jaǵalaýynda balyqtar qyrylyp jatyr» degen habar tarady. Derek kózderine súıensek, óli balyqtardyń sý betinde qalqyp jatqany jaıly habardy «Eko Mańǵystaý» úkimettik emes mekemesine jergilikti turǵyn jetkizgen. «Habar jergilikti turǵynnan kelip tústi. Ol demalys kúnderi teńizde júzdegen óli balyqtyń sý túbinde de, sý betinde de qalqyp júrgenin aıtty. Osydan keıin tabıǵatty qorǵaý prokýratýrasyna qajetti shara qoldaný úshin suratý jiberdik», – degen bolatyn bul týraly «Eko Mańǵystaý» úkimettik emes mekemesiniń jetekshisi Kırıll Osın.
Alaıda, bul aqpardy Mańǵystaý oblysy boıynsha balyq ınspeksııasynyń bas mamany Jasulan Bekturǵanov joqqa shyǵardy. Aqpar shyqqan kúnnen bastap arnaıy ıhtıolog, zerthana qyzmetkeri, memlekettik ınspektor jáne atalmysh ınspeksııanyń bas mamanynan qurylǵan komıssııa zertteý júrgizgen.
– Biz sol kúni keshke taman oqıǵa ornyna kelip jettik. Biraq, jaǵalaý taza boldy. Kelesi kúni tańerteńgi 7.30-dar shamasynda taǵy keldik. 215 shaqyrymdyq jaǵalaýda qamystar men shaıyndy sýlar kezdesti. Osy jerlerden barlyǵy 8 sazan óleksesin taptyq. Olar qatty soqqan jeldiń áserimen qamystarǵa deıin jetken tolqyndarmen birge kelip, sý keri qaıtqanda qalyp qoıǵan degen oıdamyz, deıdi J.Bekturǵanov. Al zerthanalyq taldaýlar men eksperttik qorytyndylar teńiz sýyna júrgizilgen hımııalyq zertteý nátıjesinde sý quramynda munaı ónimderiniń tirkelmegendigin, sýdyń qalypty jaǵdaıy saqtalǵandyǵyn alǵa tartady.
Bas maman J.Bekturǵanov jaǵalaýdaǵy qamystardy aralap shyqqandyǵyn, biraq sýretterde beınelengen iri qamystar men sýlardy kezdestirmegendigin aıtady. Sýret avtorynyń ony qaıdan túsirgendigin túsine almaǵan ol avtordyń aldymen ınspeksııaǵa nemese sol aımaqtyń paıdalanýshylary men ınspektoryna nege habarlaspaǵandyǵyna tańdanys bildirdi.
Sonymen, «dombyram ne deıdi, men ne deımin?».
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
Alaıda, bul aqpardy Mańǵystaý oblysy boıynsha balyq ınspeksııasynyń bas mamany Jasulan Bekturǵanov joqqa shyǵardy. Aqpar shyqqan kúnnen bastap arnaıy ıhtıolog, zerthana qyzmetkeri, memlekettik ınspektor jáne atalmysh ınspeksııanyń bas mamanynan qurylǵan komıssııa zertteý júrgizgen.
– Biz sol kúni keshke taman oqıǵa ornyna kelip jettik. Biraq, jaǵalaý taza boldy. Kelesi kúni tańerteńgi 7.30-dar shamasynda taǵy keldik. 215 shaqyrymdyq jaǵalaýda qamystar men shaıyndy sýlar kezdesti. Osy jerlerden barlyǵy 8 sazan óleksesin taptyq. Olar qatty soqqan jeldiń áserimen qamystarǵa deıin jetken tolqyndarmen birge kelip, sý keri qaıtqanda qalyp qoıǵan degen oıdamyz, deıdi J.Bekturǵanov. Al zerthanalyq taldaýlar men eksperttik qorytyndylar teńiz sýyna júrgizilgen hımııalyq zertteý nátıjesinde sý quramynda munaı ónimderiniń tirkelmegendigin, sýdyń qalypty jaǵdaıy saqtalǵandyǵyn alǵa tartady.
Bas maman J.Bekturǵanov jaǵalaýdaǵy qamystardy aralap shyqqandyǵyn, biraq sýretterde beınelengen iri qamystar men sýlardy kezdestirmegendigin aıtady. Sýret avtorynyń ony qaıdan túsirgendigin túsine almaǵan ol avtordyń aldymen ınspeksııaǵa nemese sol aımaqtyń paıdalanýshylary men ınspektoryna nege habarlaspaǵandyǵyna tańdanys bildirdi.
Sonymen, «dombyram ne deıdi, men ne deımin?».
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
