Respýblıka kúni ulttyq mereke qarsańynda Qazaqstan Respýblıkasy Prezıdentiniń Jarlyǵymen eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, áskerı qyzmetshiler, quqyq qorǵaý organdarynyń qyzmetkerleri, sportshylar, eńbek ardagerleri, mádenıet jáne ǵylym qaıratkerleri bar.
Qazaqstan Respýblıkasyna sińirgen zor eńbegi úshin «Halyq qaharmany» ataǵy memleket jáne qoǵam qaıratkeri Qaıyrbek Súleımenovke, áleýmettik-gýmanıtarlyq damýdaǵy jáne óndiristik qyzmettegi asa úzdik jetistikteri úshin «Qazaqstannyń Eńbek Eri» ataǵy kórnekti jazýshy Dýlat Isabekovke jáne «AtyraýAgroО́nimderi» JShS dırektory Vladımır Rozmetovke berildi.
«Otan» ordenimen «Q. Qýanyshbaev atyndaǵy memlekettik akademııalyq qazaq mýzykalyq drama teatry» RMQK artısi K.Áspetova jáne «Altyn–Ásel» JShS dırektory H.О́teýuly, I dárejeli «Barys» ordenimen – qoǵam qaıratkeri M.Áýezov, "Juldyz" jýrnalynyń Bas redaktory M.Qulkenov, «Avtomobıl joldary basqarmasy» JShS dırektory M.Úderbaev, II dárejeli «Barys» ordenimen – aqyn О́.Oralbaev, «M. Áýezov atyndaǵy pedagogıkalyq kolledj» KMQK dırektory Sh.Janaeva, III dárejeli «Barys» ordenimen – «Qazaqstandyq zańgerler odaǵy» RQB tóraǵasy S.Aqylbaı, «Ulttyq óner» JShS dırektory T.Býrmıstrova, belgili qoǵam qaıratkeri J.Qulekeev, «J. Shanın atyndaǵy Shymkent qalalyq akademııalyq qazaq drama teatry» MKQK artısi S. О́temisuly, «Ekonomıka ınstıtýty» RMK bas dırektory Á.Satybaldın jáne basqalar marapattaldy.
Belgili ǵalymdar, mádenıet qaıratkerleriniń, óndiris salasy ókilderiniń eńbegi «Parasat» ordenimen atap ótildi, olardyń arasynda «Fıtohımııa» halyqaralyq ǵylymı-óndiristik ortalyǵy» AQ bas dırektory S.Ádekenov, «Shymkentmaı» AQ prezıdenti D.Adyrbekov, eńbek ardageri J.Amanbaev, Qazaqstandyq blokcheın-tehnologııalar qaýymdastyǵynyń dırektory S.Ahmetov, «Atameken» UKP tóralqa tóraǵasy R.Batalov, «Sh.Ýálıhanov atyndaǵy Kókshetaý ýnıversıteti» KeAQ basqarma tóraǵasynyń orynbasary – birinshi prorektory Ǵ.Baıtoq, «A.Baıtursynuly atyndaǵy Til bilimi ınstıtýty» RMQK bas ǵylymı qyzmetkeri T.Januzaqov, aqyn R.Búrkitbaeva, «D. Qonaev atyndaǵy Eýrazııalyq zań akademııasy» mekemesiniń rektory О́.Jalaırı, «Qorqyt Ata atyndaǵy Qyzylorda ýnıversıteti» KeAQ professory B.Káribozuly, «N.Sas atyndaǵy orys memlekettik akademııalyq balalar men jasóspirimder teatry» RMQK jetekshi aktrısasy V.Krymskaıa, «R.Súleımenov atyndaǵy Shyǵystaný ınstıtýty» RMK bas dırektory D.Másimhanuly, saıasattanýshy B.Nurmuhamedov, «Astana medısına ýnıversıteti» KeAQ kafedra meńgerýshisi R.Raqymjanova, M. Lomonosov atyndaǵy MMÝ Qazaqstandyq fılıalynyń dırektory A.Sıdorovıch, Qazaqstan musylmandar dinı basqarmasynyń tóraǵasy N.О́tpenov bar.
II dárejeli «Dostyq» ordenine «Tatneft» AAQ bas dırektory Naıl Maganov, «Astana» halyqaralyq qarjy ortalyǵy» AQ halyqaralyq tórelik ortalyǵynyń tóraǵasy Barbara Domann, Mońǵol ǵylym akademııasy Arheologııa ınstıtýtynyń bólim meńgerýshisi Altangerelıın Enhtor jáne basqalar ıe boldy.
«Qurmet» ordenimen marapattalǵandar qatarynda «Ortalyq memlekettik kıno-foto qujattar men dybys jazbalary arhıvi» RMM bas sarapshysy L.Aqtaeva, «Respýblıkalyq qan ortalyǵy» RMK dırektory D.Bekırov, «Kazahstanskaıa pravda» gazetiniń Túrkistan oblysy men Shymkent qalasy boıynsha menshikti tilshisi L.Dobrota, «Pavlodar qalasynyń № 16 mektep-lıseıi» KMM muǵalimi J.Jaqsylyqova, «Úrjar aýdanynyń № 2 aýdandyq aýrýhanasy» KMK bas dárigeri N.Jaqııanova, «Alataý» teatrynyń dırektory R.Zaıtov, «Mıras» ShQ basshysy B.Qarabaev, Jetisý oblysynyń olımpıadalyq rezerv daıyndaý ortalyǵynyń dırektory M.Mamyrov, «Iаdrolyq fızıka ınstıtýty» RMK bas ınjeneri A.Martıýshov, eńbek ardageri M.Súleımenov bar.
О́nerkásip, transport, qurylys, aýyl sharýashylyǵy jáne basqa materıaldyq óndiris salalarynyń 76 jumysshysy men eńbekkeri, sonyń ishinde 2 eńbek dınastııasynyń ókilderi «Eńbek Dańqy» ordeniniń ıegeri atandy.
«Qazaqstannyń eńbek sińirgen qaıratkeri» qurmetti ataǵy ǵylym jáne mádenıettiń 28 kórnekti ókiline berildi. Qazaqstan Respýblıkasynyń Qurmet gramotasymen 260 adam nagradtaldy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, eldiń ulttyq qaýipsizdigin nyǵaıtýda kórsetken erligi men janqııarlyǵy úshin áskerı qyzmetshiler men quqyq qorǵaý organdary ókilderiniń bir toby II dárejeli «Dańq», II jáne III dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.
Nagradtalǵandardyń tizimi jergilikti baspasózde jarııalanady.
