Markany «Qazposhta» AQ BUU-nyń Qazaqstandaǵy О́kildigi jáne Qazaqstan Respýblıkasynyń Syrtqy ister mınıstrligimen birlesip shyǵarǵan.
«Bizdiń kompanııa Qazaqstannyń BUU-ǵa músheliginiń 30 jyldyǵy sııaqty aıtýly oqıǵanyń qurmetine estelik poshta markasyn aınalymǵa shyǵarǵanyna qýanyshty. Osy marka elimizdiń álemdik qaýymdastyqtaǵy róliniń tamasha dáleli bolady dep oılaımyn. Bıyl «Estelik jáne mereıtoılyq kúnder» serııasy aıasynda Qazposhta Qazaqstannyń IýNESKO, AО́SShK sııaqty halyqaralyq uıymdarǵa músheliginiń 30 jyldyǵyna jáne Qazaqstannyń Materıaldyq emes murany saqtaý týraly konvensııaǵa qosylýynyń 10 jyldyǵyna arnalǵan markalar shyǵardy. Sonymen qatar elimizde poshtalyq aınalymda BUU-nyń 50 jáne 60 jyldyǵyna oraı shyǵarylǵan markalar qoldanylady», dedi «Qazposhta» AQ basqarma tóraıymy Ásel Janasova.
О́lshemi 26 h 29,6 mm poshta markasy 10 000 dana taralymmen shyǵaryldy. Marka paraǵy 8 markadan turady. Paraq ólshemi 135 x 70 mm. Poshta markasynyń nomınaly – 700 teńge. Markalar ýltrakúlgin boıaýmen jáne lakpen qorǵalǵan. Sýretshisi – Elnara Baınazarova.
BUU-nyń Qazaqstandaǵy basshysy Mıkaela Frıberg-Storı: «Marka keskindemesiniń negizi retinde dombyranyń tańdalýy kezdeısoq emes, óıtkeni qazaqtyń dástúrli dombyra kúıi IýNESKO Materıaldyq emes mádenı muranyń reprezentatıvti tizimine engizilgen. Biz Qazaqstannyń osy otyz jyl ishinde turaqty damý jónindegi is-áreketin quptaımyz. Estelik poshta markasynyń shyǵarylymy Qazaqstannyń syrtqy saıasaty tarıhyndaǵy mańyzdy beles jáne turaqty damý maqsattaryna beıimdigi týraly qoǵam habardarlyǵyn arttyrýdyń belgisi», dep atap ótti.
Atap ótilgendeı, BUU eldiń bolashaqqa baǵyttalǵan damý kún tártibin jáne Úkimettiń turaqty damýǵa degen umtylysyn jaqsyraq qoldaý úshin Qazaqstanǵa qoldaýyn keńeıtýde.
«Qazaqstandaǵy BUU júıesi - qundy, adam quqyqtaryna negizdelgen jáne senimdi seriktes bolyp qala beredi. Ol Qazaqstandaǵy barlyq seriktesterge eń ózekti saıası keńester, tehnıkalyq kómek jáne jahandyq jelilerge qol jetkizýge baǵyttalǵan», dep qosty uıymnyń keńsesi.
