20 qazanda polıseıler oblys ortalyǵynyń 27 jáne 29 jastaǵy eki turǵynyn ustady. Olardan erekshe ıisi bar býma tárkilendi.
«Saraptamaǵa sáıkes, bul zat Alfa-pırıpi sıntetıkalyq preparaty bolyp shyqty, jalpy salmaǵy 496,6 grammdy qurady. Boljam boıynsha, esirtki zaty odan ári taratý maqsatynda daıyndalǵan. Qylmyskerlerge qatysty bultartpaý sharasy tańdalýda», dep habarlady Qostanaı oblysy IID polısııa basqarmasynyń aǵa anyqtaýshysy Lev Kvasenko.
Jyl basynan beri polıseıler zańsyz aınalymnan 178 keliden astam túrli esirtki, onyń ishinde 555 gramnan astam geroın, 18 keli gashısh jáne 1,6 keliden astam sıntetıkalyq esirtki tárkiledi.
