Máselen, 2022 jylǵy shilde men qazan aralyǵynda 36 esirtkige qarsy, onyń ishinde reseılik, ózbekstandyq jáne qyrǵyzstandyq áriptestestermen birlesken operasııalar ótkizildi.
11 halyqaralyq jáne 14 aýmaqtyq esirtki trafıginiń arnalary joıyldy. Sıntetıkalyq esirtki óndirýmen aınalysatyn 4 jasyryn laboratorııasynyń is-áreketi beıtaraptandyryldy.
«Arnaıy operasııalar barysynda esirtki qurylymdarynyń 59 qatysýshysy ustaldy. Zańsyz aınalymnan 282 keli esirtki, onyń ishinde 32 keli geroın, 11 keli apıyn, 60 keli sıntetıkalyq esirtkiler, 156 keli marıhýana, 22 keli gashısh alyndy. Sonymen qatar aınalymnan 861 «ekstazı» tabletkasy jáne psıhotroptyq zattardy ázirleýge arnalǵan 3 tonnadan asa hımııalyq reagentter shyǵaryldy», delingen habarlamada.
Vedomstvo ókilderi halyqaralyq esirtki bıznesine qarsy turý boıynsha is-sharalar áli de jalǵasatynyn qosa habarlady.
