Keleli konferensııa

Konferensııanyń saltanatty ashylýyna Astana qalasynyń ákimi Altaı Kólginov, Oqý-aǵartý vıse-mınıstri Ǵanı Beısembaev qatysyp, forým jumysyna sát­tilik tiledi. Budan keıin is-shara­nyń aýqymdy kún tártibi «Na­zar­baev zııatkerlik mektepteri» DBBU basqarma tóraıymy Kúlásh Shámshıdınovanyń «О́zgermeli álemde balalardy jan-jaqty da­mytý» atty baıandamasynda aı­qyn­dal­dy.

Jalpy, bul forýmnyń kún tártibinde aqparattyq qoǵam kon­­tekstindegi fýnksıonaldyq sa­­ýat­ty­lyq, jas muǵalimniń ká­si­bı damýy, qalyptastyrýshy baǵalaý salasyndaǵy ınno­va­sııalar, mektepte jaıly orta qu­rý, ınklıýzıvti jáne derbes­ten­dirilgen oqytý, sıfr­lyq mu­ǵalimniń mıssııasy jáne bilim berý prosesine jasandy ıntel­lekti engizý, sondaı-aq basqa da jahandyq pedagogıkada sura­nys­qa ıe basymdyqtar bar.

Halyqaralyq konferensııaǵa álemdik bilim berý salasynyń tany­mal ókilderi qatysty. Atap aıtsaq, Fınlıandııadaǵy Iývıas­kıýl ýnıversıteti tobynyń Educ­luster Finland ınnovasııalar jáne syrtqy baılanystar jó­nin­degi dırektory Devıd Marsh, Koreı bilim berýdi damytý ınstıtýtynyń ǵylymı qyzmetkeri Sýng Djı Park, Oksford ýnı­ver­sıtetiniń balalardy damytý jáne oqytý professory Iram Sıraj (Ulybrıtanııa), Kembrıdj ýnıversıtetiniń Emtı­handyq keńesi ókili Tım Oýts (Ulybrıtanııa), Japonııadaǵy Ulttyq bilim berý saıasatyn zertteý ınstıtýtynyń aǵa ǵylymı qyzmetkeri Toshııa Chıchıbý, Kóp­tildi oqytý sarapshysy Pıter Mehısto (Estonııa) sekildi már­te­beli meımandar Asta­naǵa at basyn buryp keldi.

– Bolashaq úshin biz qazir ózge­rýimiz qajet. Bir sózben aıt­qan­da, bul – bolashaqqa daıyndyq. Osy konferensııadan jaǵymdy áser aldym. Men eki-úsh jyldyń kóleminde Nazarbaev zııatkerlik mek­tepteriniń ekspertterimen ju­mys istep kelemin. Biz jańa baǵ­dar­lamalar oılap taýyp, zııat­kerlik mektep qyzmet­ker­le­rine bilim beremiz. Sondyqtan men jańa aqparat berý úshin emes, seriktestikte bolyp, atqarylǵan jumys­tardyń nátıjesin kórý­ge keldim. Qazaqstan men Fınlıan­dııa­nyń bilim berýdegi uqsastyǵy mynada: biz de sheteldik tájirıbeni túbegeıli engizbeı ony otandyq baǵdarlamalarmen ushtastyrýǵa tyrysamyz, – dedi Iývıaskıýl ýnı­versıtetiniń Edcluster Finland ınnovasııalar jáne syrtqy baılanystar jónindegi dırektory Devıd Marsh.

Al Portýgalııadan kelgen Lý­so­­fon ýnıversıtetiniń arna­ıy bilim berý kafedrasy dırek­to­rynyń orynbasary Lıýsııa Lıma-Rodrıges Astanany kór­genine qýanyshty ekenin, konfe­ren­sııanyń joǵary deńgeıde ári qy­zyqty ótip jatqanyn jáne Qa­zaq­standa oqýshylardyń bilim alýyna úlken kóńil bólinetinin atap ótti.

– Meniń konferensııaǵa kelý­de­gi maqsatym – el men ekono­mıkanyń damýy úshin mek­tepke deıingi bilim berýdiń mańyz­dy­lyǵy máselesin kóterý. Men ata-analar úıde nemen aınaly­sa­tyny, muǵalimder men tárbıe­shi­lerdiń is-áreketteri jaıynda aıtamyn. Sondaı-aq túrli she­ber­lik sabaqtaryn ótkizip, ózim­niń Ulybrıtanııada 3,5 myń adammen 17 jyl boıy júrgizgen zertteýimniń esebin usynamyn. Men ózim de kóp nárse úırený úshin keldim. Sebebi konferensııa  halyqaralyq deńgeıdi ótedi, – dedi Oksford ýnıversıtetiniń balalardy damytý jáne oqytý professory Iram Sıraj.

О́z kezeginde Koreı bilim be­rýdi damytý ınstıtýtynyń ǵy­lymı qyzmetkeri Sýng Djı Park tehnologııamen tyǵyz baılanys­ty bilim berý taqyrybyn ke­ńi­nen sóz etti. Bul rette jasandy ıntellekt jaıynda da aıtyp, onyń dástúrli oqytý formasymen qalaı úılesim tabatynyn naqty mysaldarmen túsindirdi. Sondaı-aq koreıalyq qonaq Nazar­baev zııatkerlik mek­tep­teriniń tá­jirıbesi Ońtústik Koreıa mek­tep­teriniń tájirıbesimen uqsas ekenin atap ótti.

Konferensııanyń jarqyn sátteriniń biri Nıderlandtaǵy saraptama jáne sertıfıkattaý zertteý ortalyǵynyń «Nazarbaev zııatkerlik mektepteri» derbes bilim berý uıymyna konkýrstyq irikteýdi akkredıtteý týraly RCEC sertıfıkatyn tabystaý rá­simi boldy.

– Bul NIS-tiń álemdik bilim berýdegi jańasha moıyndalýy, ol shyndyqtyń, senimdiliktiń, obektıvtiliktiń joǵary standart­taryn, sondaı-aq konkýrstyq irik­teý júıesiniń halyqaralyq ta­laptarǵa sáıkestigin rastaıdy, – dedi RCEC sertıfıkatyn tabys­taǵan Arnold Dj.Braýer.

Sonymen qatar dástúrli konferensııa alańynda NIS-tiń «Qa­zaqstan halqyna» qory jáne «Aitas KZ» holdıngimen birigip iske asyryp jatqan «Aýyldyq jer­degi tirek mektepterdiń áleý­etin damytý» aýqymdy joba­sy­nyń qaty­sý­shy­laryna pasport tabystaldy.

Alǵash ret mektepke deıingi bilim berý máseleleri, sonyń ishin­de, eń aldymen, zertteýlerdiń sa­pasy jáne uzaq merzimdi áser­ge arnalǵan seksııalyq oty­rys­tar­dyń tutas serııasy ótti. Su­­ranysqa ıe seksııalar qataryn ba­lalarǵa qa­ýip­siz jáne jaıly orta – qala, aýyl mektep qu­rýǵa baǵyttalǵan arnaıy otyrys­tar to­lyqtyrady. Buǵan qosa eń­bek jolyn jańadan bastap jat­qan pedagogterdiń bilik­tiligin art­ty­rý­ǵa baǵyttalǵan arnaıy seksııa NIS-tiń tamyz aıyn­da uıym­das­tyrǵan jas muǵalim­der­diń res­pýblıkalyq forýmy­nyń zań­dy jalǵasy deýge bolady.

Paneldik pikirtalastar men seksııalyq otyrystardyń aýqym­dy toptamasy muǵalimniń ká­si­bı kapıtalyna, eń aldymen, tikeleı onyń tájirıbesin kór­setetin «Action Research» jáne «Lesson Study» zertteýine arnaldy. «Sózden – iske» she­ber­lik sabaqtarynda qa­zaqtyń uly us­tazdarynyń shy­ǵar­­­mashylyq mu­ra­sy basty ta­qy­rypqa aınaldy. Olardyń tanymal týyndylaryna qazirgi bi­lim oshaqtaryndaǵy suranys jaıynda «Ahmet Baı­tur­syn­uly eńbekterin bastaýysh synyptardy oqytýda qoldaný» atty she­ber­lik sabaǵyn daıyndaǵan Bilim berý baǵdarlamalary orta­ly­ǵynyń ókilderi Qalamqas Baı­tenova, Perızat Bıǵazına, Janat Qajyǵalıeva baıandady.

Avtograf-sessııada konferen­sııa qatysýshylary balalarǵa arnalǵan qazirgi qazaq ádebıetiniń úzdik shyǵarmalaryn jazyp júr­gen belgili otandyq jazýshy­lar men sýretshiler – Saýran Qasteev, Ásel Imaıo, Asqar Altaı, Meıirhan Jylqybaı, Serikbol Hasan, Saıat Qamshyger, Rústem Saýytbaı, Olga Gýmırova, Záýre Tórehanmen kezdesti.