Aqmola, Aqtóbe, Shyǵys Qazaqstan, Qyzylorda, Qaraǵandy, Qostanaı, Soltústik Qazaqstan, Túrkistan, Batys Qazaqstan oblystarynda, Almaty, Astana jáne Shymkent qalalarynda adam quqyqtary jónindegi ýákildiń ókilderi jumysqa kiristi. Sondaı-aq Jambyl, Jetisý, Pavlodar, Atyraý, Mańǵystaý oblystarynda konkýrstyq is-sharalar jalǵasyp jatyr.
Bıyl ýákildiń ókildikteri Qazaqstannyń 17 óńirinde jumys isteıdi.. Taǵy 3 oblysta (Ulytaý, Abaı jáne Almaty) ókildikter tıisti rásimder aıaqtalǵannan keıin 2023 jyly ashylady.
О́kilder «Memlekettik qyzmet týraly» Qazaqstan Respýblıkasynyń Zańynda belgilengen tártippen taǵaıyndalady.
Adam quqyqtary jónindegi ýákil ókiliniń laýazymy Qazaqstannyń búkil aýmaǵynda adam men azamattyń quqyqtary men bostandyqtaryn memlekettik qorǵaýdyń qosymsha kepildikterin qamtamasyz etý, sondaı-aq ýákilge óz quqyqtaryn, ásirese aýyldyq jerlerde turatyn azamattardy qorǵaý úshin júginýdi qoljetimdi etý maqsatynda qurylǵan.
О́kilderge Qazaqstan Respýblıkasynyń azamattary jáne onyń aýmaǵyndaǵy sheteldikter men azamattyǵy joq adamdar nemese olardyń ókilderi júgine alady.
