Áıeldiń múmkindigi mol

Úmitker bárine úlgerip, tabys taýyp, bala ósirip, salt-dástúrdi saqtap, iri kásiporynnyń júgin kóterip júrgen áıelderdi maqtan tutatynyn atap ótti.

– «Gaýhar» – ońtústiktegi jeńil ónerkásiptiń flagmany. Munda jumys kıimi, mektep formasy men toqyma buıym­dary ádemi ári sapaly tigiledi. «Qazaqstanda jasalǵan» dep maq­tanyshpen aıta alatyn ónim­niń qalaı jasalyp jatqanyn kórý kóńilge qýanysh syılaıdy. Osyndaı iri ári tanymal kásiporyndy áıel adam bas­qaryp otyrǵany, tipti úlken maq­tanysh. Kópshilik áıeldiń tabys­­ty kóshbasshy bola alaty­nyna senbeıdi. Biraq men se­ne­min! Áıeldiń qolynan bári kele­di: zaýytty da, úlken ujym­dardy da, tipti búkil eldi de bas­qara alady. Áıel-ana bir qoly­men bala terbetse, bir qoly­men álemdi terbetedi», dedi S.Tursynbekova.

Kásiporyn basshysy Ánıpa Halbaeva ujymdy kandıdatty qoldaýǵa shaqyrdy. «Áıelderdiń Prezıdent bolýǵa quqyǵy bar!» dedi ol.

Sondaı-aq fabrıka bas­shylyǵy kásiporynnyń sa­lyq­tyń kóptigi, bilikti kadrlar­dyń tapshylyǵy, turaq­syz sala jáne arnaıy oqý oryn­darynyń jetispeýshiligi sııaq­ty máselelerge toqtaldy. Ke­ıin ashyq áńgime barysynda tigin­shiler usynystary men saýal­daryn ortaǵa tastady. Áıelder qazaqstandyqtardyń tabys teńsizdigine alań­daıtyny týraly aıtty.