«Biz uzaq merzimdi perspektıvaǵa baǵyttalǵan kóp jumys istedik. Oqytýdyń jańa túri – onlaın oqytý engizildi. Ýnıversıtetter Smart-ýnıversıtetter úlgisine kóshedi», dedi Saıasat Nurbek.
Onyń aıtýynsha, bul stýdenttiń sıfrlyq profılin, ıaǵnı stýdenttik ómir jolyn qalyptastyrýdy, EdTech sıfrlyq qyzmetterin damytýdy jáne sıfrlandyrýdyń ozyq tendensııalaryna sáıkes prosesterdi ońtaılandyrýdy qamtıdy.
«Coursera jáne EdX kýrstarynyń aýqymy qazirdiń ózinde keńeıtildi. Basqa platformalarmen onlaın kelisim-sharttar jasaý jumystary júrgizilýde. Basqarý jáne bilim berý qyzmetterin kórsetý sapasyn arttyrý maqsatynda «Sıfrlyq ýnıversıtettiń etalondyq standarty» ázirlenedi», dedi mınıstr.
