Ranking.kz. málimetinshe, tranzaksııa sany 2,7%-ǵa azaıyp, 1,6 mln-dy qurady. Nátıjesinde bir aýdarym boıynsha ortasha chek 9,4%-ǵa ósip, 418,9 myń teńgeni qurady.
2022 jyldyń qańtar-tamyz aılarynda AAJ arqyly shetelge aýdarymdar kóleminiń 70%-dan sál astamy tek úsh eldiń úlesine tıdi – О́zbekstan (201,7 mlrd teńge), Túrkııa (163,6 mlrd teńge) jáne Reseı (117,3 mlrd teńge). Sondaı-aq Qyrǵyzstanǵa (62,5 mlrd teńge) jáne Grýzııaǵa (50,6 mlrd teńge) aıtarlyqtaı kólemde aqsha aýdaryldy.
Qazaqstannan shetelge aýdarymdardyń kóp bóligi dollarmen júzege asyrylady: 2021 jylǵa aýdarymdardaǵy dollardyń ortasha aılyq úlesi 78,2%-dy quraǵan, al bıylǵy 8 aıda ol 73,7%-ǵa tómendedi.
Bul rette, qańtar-naýryzda shetelge aýdarylǵan qarajattyń jalpy kólemindegi dollarlyq aýdarymdardyń úlesi 82,3%-84%-dy qurasa, keıin kórsetkish aıtarlyqtaı tómendep, tamyzda 68,5%-dy, al shildede tek 58,4%-dy quraǵan.
Qazaqstannan shetelge ulttyq valıýtadaǵy aýdarymdar úlesi kerisinshe ósken. Mysaly, tamyzda teńgelik transfertter aýdarylǵan qarajattyń 21,2%-yn qurasa, bıyl teńgeniń eń kóp úlesi shildede – 28,1%-dy qurady. 2021 jyly ortasha eseppen teńge aı saıyn jiberilgen aqsha somasynyń 9,5%-yn qurady.
Bıyl Qazaqstannan shetelge Reseı rýblindegi aýdarymdardyń eń úlken úlesi maýsym aıynda tirkelgen - 19,9%. Bul 2021 jylǵy ortasha kórsetkishten joǵary, ol kezde kórsetkish 11% bolǵan edi. Alaıda tamyzǵa qaraı rýbldegi aýdarymdardyń úlesi ádettegi 10%-ǵa deıin tómendedi.
Sondaı-aq aıtarlyqtaı aýdarym kólemi Contact (82,8 mlrd teńge) jáne Western Union (42,1 mlrd teńge) kompanııalaryna da tıesili.
