«TikTok reseılik keńsesiniń qyzmetkerlerine Qazaqstan, Armenııa jáne Qyrǵyzstanǵa kóshý usynyldy. Biraq qyzmetkerler barlyq shyǵyndardy óz moınyna alyp, eńbek shartyna qosymsha kelisimge qol qoıý úshin Reseıge qaıta oralýy kerek», dep jazdy reseılik RBK basylymy.
Sondaı-aq TikTok-tyń Shyǵys Eýropadaǵy jahandyq bıznes sheshimderiniń basshysy Anastasııa Panına kompanııanyń Qazaqstanda jańa keńsesi ashylatynyn aıtty.
«Osy kúzde TikTok Qazaqstanda mıllıondaǵan daryndy avtorlardyń, damyp kele jatqan sıfrlyq ekonomıkanyń jáne áserli ınnovasııalyq kásipkerlerdiń mekeni bolatyn keńse ashpaq», dep habarlady A.Panına óziniń LinkedIn paraqshasynda.
Sondaı-aq basylym Reseı keńsesiniń keıbir qyzmetkerleri Taıaý Shyǵys sııaqty basqa da halyqaralyq komandalarda jumys isteı bastaǵanyn jazdy.
