Oblystaǵy etnomádenı birlestikter ókilderimen kezdesýde Qasym-Jomart Toqaevtyń jaqtastary qazirgi tańda memlekettilikti nyǵaıtý úshin bekem birliktiń mańyzy zor ekenin aıtty.
«Sońǵy úsh jarym jylda elimiz túrli synaqtarmen betpe-bet keldi. Kezdesken qıyndyqtyń bárin eńserip, halqymyzdyń birligi odan ári nyǵaıa tústi. Ishki saıası turaqtylyq, etnosaralyq kelisim, myzǵymas memlekettik egemendik jáne elimizdiń aýmaqtyq tutastyǵy qýatty Qazaqstan qurýdyń negizi. Sondaı-aq bul jolda ulttyq múdde men azamattyq patrıotızmdi qorǵaýdyń mańyzy zor. Aldaǵy ýaqytta bárimiz birge qýatty Qazaqstan qurýdy jalǵastyra beremiz dep senemin», – dedi respýblıkalyq qoǵamdyq shtab delegasııasynyń basshysy Máýlen Áshimbaev.
Jas IT mamandarmen kezdesýde shtab músheleri úmitkerdiń saılaý aldyndaǵy baǵdarlamasyna toqtalyp, ondaǵy sıfrlandyrý salasyna qatysty basymdyqtarǵa nazar aýdardy. Sonymen qatar shtab ókilderi bıznes salasyndaǵy jergilikti sarapshylarmen jáne kásipkerlermen birge osy baǵyttaǵy bıýrokratııalyq qysymdy tómendetý sharalaryn talqylady.
